“Gjah pas deputetëve” në Kuvend!

Hristijan Mickoski me 61 nënshkrime, Zoran Zaev në garë për kthimin e atyre 61 deputetëve në Kuvend – ja si po shkon gjuetia e deputetëve në Kuvend, sipas informacioneve të TV24 nga Kuvendi. Lideri i VMRO-DPMNE-së ka thënë se ka 61 nënshkrime për të cilat thotë se janë të sigurta, por edhe se ka deputetë nën presion, përcjell FLAKA.

“Ka shumë presion mbi disa nga këta persona që janë firmosur këtu. Për momentin nuk kam asnjë informacion se dikush do të hezitonte dhe do ta linte këtë dokument, andaj presim dorëheqjen e Zoran Zaev në parlament sa më shpejt”, tha Mickoski.

LSDM dhe koalicioni janë të vendosur, nuk bëjnë presion. Ata pretendojnë se asnjë nga deputetët e tyre apo partnerët më të vegjël të koalicionit nuk kanë ndërmend t’i bashkohen bllokut të Mickoskit.

Sipas informacioneve të TV24, me ta ka kontaktuar personalisht koordinatori i LSDM-së, Jovan Mitrevski dhe ka marrë përgjigje se mbeten.

“Të gjithë japin mbështetje të parezervë dhe i mohojnë fuqishëm ndërtimet që po bën VMRO-DPMNE me të vetmin qëllim që të ushtrojë presion dhe të krijojë eufori joreale në opinion. Nga ana tjetër, marr informacione se disa nga deputetët që kanë firmosur dje për votëbesimin e qeverisë janë keqpërdorur dhe nuk janë të informuar saktësisht se me kë, pra me cilat parti të tjera në parlament kanë të ashtuquajturat qëllimi i përbashkët. Me një fjalë janë keqpërdorur”, tha Mitrevski.

Nga Aleanca për Shqiptarët thonë se Mickoski ka leje për vazhdimin e negociatave për formimin e Qeverisë dhe ka mundësi që shumica e re të rrisë numrin e deputetëve.

BESA tha për TV24 se nënshkrimet e tre deputetëve të tyre janë të sigurta. Alternativa nuk u përgjigjet thirrjeve, por sipas mediave shqiptare, deputeti Skender Rexhepi-Zajd nuk do të mbështesë mazhorancën e re, ku bën pjesë edhe Partia e Majtë, dhe do t’i kërkojë partisë së tij të tërhiqet nga marrëveshja.

Nga ana tjetër, sipas informacioneve jozyrtare, në kampusin parlamentar shqiptar po zhvillohet një luftë e vërtetë, sidomos pasi BESA dhe Alternativa e bënë mazhorancën me Mickoskin. Disa nga partnerët më të vegjël po kërkojnë zgjedhje.

Testi i parë duket se do të jetë mosbesimi nëse Zaev nuk jep dorëheqjen deri të hënën. FLAKA