Google do investojë 7 miliardë dollarë në zyrat dhe qendrat e të dhënave
Gjiganti amerikan i internetit Google do të investojë shtatë miliardë dollarë në zyrat dhe qendrat e të dhënave amerikane këtë vit dhe do të krijojë 10.000 vende pune, tha drejtori ekzekutiv i kompanisë, Sundar Pichai.
“Google dëshiron të jetë një pjesë integrale e rimëkëmbjes ekonomike,” tha Pichai, duke shtuar se kjo përfshin investime në vende që janë të reja për Google dhe në zgjerimin e qendrave ekzistuese të saj në 19 shtete të SHBA-së.
Mijëra vende të reja pune pritet të krijohen në Atlanta, Çikago dhe Nju Jork. Është planifikuar të zgjerohen qendrat në Nebraska, Karolina e Jugut, Virxhinia, Nevada dhe Teksas.
