Grabiti 57 familje dhe u dënua me 3 vite burgim. U largua nga shteti dhe jeton në Gjermani!

Driton Zenku
Publikuar nga Driton Zenku 20 Nëntor, 2022 10:58 Updated

Grabiti 57 familje dhe u dënua me 3 vite burgim. U largua nga shteti dhe jeton në Gjermani!

Dilema dhe dyshime të shumta po ngriten rreth rastit të vjedhësit serik nga Gostivari, i cili edhe pse i dënuar me burgim prej tri vitesh nga Gjykata e Gostivarit, vazhdon të jetë jashtë grilave, shkruan Flaka

Skandali po thellohet nga fakti që 30 vjeçari Idajet Ahmedi, siç mëson Flaka nga burime të Policisë, tashmë ka fituar vizën e qëndrimit në Gjermani ku dhe aktalisht po ndodhet.

Autori i 57 vjedhjeve të dokumentuara dhe për të cilat tashmë ka një verdikt nga Gjykata, ka arritur të siguron vërtetimin nga Gjykata Themelore e Gostivarit se nuk ndiqet dhe nuk është i dënuar për vepra të ndryshme penale, edhe pse, nga 22 qershor të vitit 2021 ka një vendim gjykata me të cilin i personi është dënuar me tri vite burgim.

Vërtetimi është pjesë e dokumenteve të patjetërsueshme për procedurën e marrjes së vizës. Dilema mbetet se si personi i dënuar me burg që ende nuk e ka vuajtur, ka arritur të merr vërtetim nga po i njejti institucion që i shqiptoi dënimin.

Burime nga SPB – Tetovë, i thanë redaksisë që ndaj personit në fjalë sipas të gjitha mundësive, ende nuk është fuqizuar aktvendimi i dënimit me burg, dhe për pasojë ndaj tij ende nuk ka një fletarrest të platfuqishëm. Për ndryshe, është e pamundur që personi të lëvizë jashtë shtetit përmes pikave kufitare.

Agjencia e lajmeve Flaka gjatë ditës së shtunë përmes postës elektronike ka parashtruar pyetje deri tek Gjykata Themelore në Gostivar dhe Sektori i Punëve të Brendshme në Tetovë, rreth rastit në fjalë.

Rasti me 30 vjeçarin u denoncua në redaksi nga familja Mustafi. Lirim Mustafi tregon golgotën e familjes së tij për katër vite me radhë.

Tri vite në proces gjyqësor dhe tani e një vit që se gjykata sjelli vendimin, kryerësi i vjedhjeve serike vazhdon të lëviz i lirë.

” Në shtëpinë tonë u kry vjedhja në vitin 2017. Nga shtëpia jonë u grabiten mbi 10 mijë euro. Policia e zbuloi vjedhësin dhe pas tre viteve proces gjyqësor, në vitin 2021 u dënua me 3 vjet burg. U desht të presim tre vite që procesi të përmbyllet. Tani bëhen gati 1 vit e gjysëm dhe personi edhe pse u dënua me tre vite burg vazhdon të lëviz i lirë”, deklaroi Lirim Mustafi.

Prokuroria Themelore e Gostivarit inicoi proces gjyqësor ndaj 30 vjeçarit Idajet Ahmedi i lindur me 16.02.1992 në Gostivar, për shkak të kryerjes së veprës penale “Grabitje e rëndë” sipas nenit 236, paragrafi 1, alinea 1 me nenin 45 të Kodit Penal, vepra penale “Grabitje e rëndë” nga neni 236, paragrafi 1, alinea 19 me nenin 22 dhe nenin 45 nga Kodi Penal.

Nisur nga propozim aktakuza e Prokurisë, ekspertizës dhe dëshmive nga pala e akuzës, Gjykata solli vendim me të cilin ndaj të akuzuarit u caktua denim me tri vite burgim.

Bashkë me banorin e Gostivarit Idajet Ahmedi, u dënua edhe shtetasi i Republikës së Shqipërisë, Robert Kolaveri si bashkëpjesëmarrës në kryerjen e veprës.

Fundi i pjesës së dytë. Në vazhdimin e tretë do të lexoni: Si po kyeshin grabitjet dhe ku përfundonin gjësendet e vjedhura?  

LEXO RRETH LAJMIT:

U kap nga Policia dhe u dënua nga Gjykata, vjedhësi serik vazhdon të lëvizë i lirë!

Driton Zenku
Publikuar nga Driton Zenku 20 Nëntor, 2022 10:58 Updated

01
Dhj
Sonte në “Rruga drejt”, në Alsat M, në studio me gazetarën Fatlume Dervishi, në pjesën...
01
Dhj
Të gjitha kontrollet kryhen pas raportimeve për bomba dhe përfundimisht konfirmohet konstatimi ynë fillestar –...
01
Dhj
Opozita nuk duhet të kushtëzoj ndryshimet kushtetuese në situate kur vendi ndodhet para sfidave të...