Grubi: Deri sot kemi 82 mijë të regjistruar nga diaspora, 5 mijë plus për 24 orë
Deri më tani janë REGJISTRUAR gjithsej 82 mijë banorë të Republikës së Maqedonisë së Veriut të cilët për momentin jetojnë dhe veprojnë në mërgatë. Kështu ka shkruar në faqen e tij në facebook, zëvendëskryeministri i parë dhe ministër për Sistem politik dhe marrëdhënie ndërmjet bashkësive, Artan Grubi.
Sipas Grubit bazuar në të dhënat e Entit Shtetëror për Statistika, vetëm gjatë 24 orëve të fundit janë regjistruar mbi 5 mijë qytetarë tanë nga DIASPORA.
Tashmë procesi i vetë-regjistrimit të popullsisë nga diaspora po vijon pa probleme, janë tejkaluar të gjitha problemet teknike të cilat u shfaqën në fillim.
Deri më sot, 19 mars, nga diaspora gjithsej janë vetë-regjistruar mbi 82 mijë bashkëqytetarë tanë, ku numri më i madh i tyre janë nga Zvicra mbi 26 mijë, pastaj nga Gjermania rreth 19 mijë, vijon Italia ku janë vetë-regjistruar mbi 10 mijë qytetarë.
