Zëvendës kryeministri i parë, Artan Grubi, në një deklaratë për portalin Zoom ka thënë se është e saktë që opozita aktuale ka kërkuar nga Pendarovski amnisti për ish kryeministrin Nikolla Gruevski.
“Po, është e vërtetë. Presidenti i shtetit, Pendarovski në njërin prej takimeve paraprake ku i kemi shqyrtuar të gjitha mundësitë për ta vazhduar rrugën integruese të vendit tonë, si dhe realizimin e suksesshëm të ndryshimeve kushtetuese, na ka përmendur se eksponent të lartë të udhëheqësisë së VMRO-DPMNE-së i kanë dërguar porosi dhe kërkesa që ta shqyrtoje mundësinë për ta amnistuar ish kryeministrin Nikolla Gruevski, ku Pendarovski na informoi se nuk ka asnjë qëllim që ta bëj këtë gjë dhe se i ka refuzuar të gjitha iniciativat dhe kërkest e tilla. Por, është simptomatike ajo se këto kërkesa vijnë nga rryma ose element në kuadrin e VMRO-DPMNE-së që nuk janë të kënaqura me udhëheqësinë aktule, për rrugën që ka zgjedhur kjo udhëheqësi, dhe ajo është që të mos përpraha euro-integrimet e vendit dhe të vazhdon me bllokadat dhe të vijon me izolimin e vendit, duke e mbajtur larg nga hapja e kapitujeve dhe bisedimeve integruesve me Unionin Evropian”, deklaroi Artan Grubi për Zoom.
