Humbi jetën 30 minuta pasi u vaksinua me AstraZeneca, Greqia zbulon shkaqet e vdekjes së gruas

Një 63-vjeçare humbi jetën në Greqi pasi u vaksinua me AstraZeneca. Gruaja vdiq vetëm 30 minuta pas vaksinimit, ndërsa autoritetet mjekësore në Greqi nisën ekzaminimet toksikologjike për të hetuar plotësisht shkaqet e vdekjes së saj.

63-vjeçarja nga Ilion e cila, humbi jetën ditën pasi u vaksinua me AstraZeneca. Kontrolluesi mjekësor Z. Nikos Kalogrias, i cili zhvilloi ekzaminimin tregon se tek viktima u gjet “imazhi makroskopik i një infarkti të vjetër të miokardit dhe edemës pulmonare“.

Pra sipas ekzaminimeve të deri tanishme 63-vjeçarja e ka humbur jetën nga një sulm i vjetër në zemër dhe edema pulmonare. Sipas mjekut, tromboza makroskopikisht të dukshme nuk u gjetën.

63-vjeçarja u paraqit në qendrën e vaksinimit në Ilion të martën pasdite në mënyrë që të vaksinohej. Pas vaksinimit, ajo qëndroi në zonë për pesëmbëdhjetë minuta dhe më pas u largua.

Sidoqoftë, pak më vonë, ajo u ndje keq dhe shkoi të ulej në një stol në parkun aty pranë. Kur qytetarët kuptuan që gruaja nuk po ndihej mirë, ata informuan mjekët e qendrës së vaksinimit. Pavarësisht se iu ofrua ndihma e menjëhershme, gruaja vdiq.

Sipas Ministrisë së Shëndetësisë dhe pas informacionit që kishte nga Komiteti Kombëtar i Vaksinimit, nuk duket se ka lidhje midis vaksinimit dhe vdekjes së gruas.