Inspektorati i Mjedisit përballet me mungesë kuadri

Redaksia
Publikuar nga Redaksia 4 Nëntor, 2021 20:26

Inspektorati i Mjedisit përballet me mungesë kuadri

Vendi përballet me shumë sfida sa i përket menaxhimit me mbeturinat. Akoma nuk ka një sistem të përshtatshëm për menaxhimin me të gjitha llojet e mbeturinave. Ushtruesi i detyrës drejtor i Inspektoratit Shtetëror të Mjedisit, Sreten Stojkovski, tha se ky Inspektorat përballet me mungesë të resurseve dhe kuadrit. Ai tha se për herë të parë janë pjesë e strategjisë nacionale të përgatitur nga MPB-ja, për vlerësimin e rreziqeve nga krimi i organizuar.

“Para nesh është sfida për mbylljen e 53 deponive që nuk i plotësojnë standardet, rikthimi në gjendje të mëparshme të 16 pikave të nxehta me mbetje të rrezikshme industriale. Përballemi me një numër të lartë sfidash, se pari në aspektin e resurseve për inspektim dhe mbështetje administrative, por e rëndësishme është edhe mbështetja financiare për realizimin e aktiviteteve të planifikuara. Kemi mungesë të zyrave dhe automjeteve.”- deklaroi Sreten Stojkovski- u.d drejtor i Inspektoratit të Mjedisit.

Anëtari i Antikorrupsionit, Vlladimir Georgiev, tha se ndotja e mjedisit mund të shihet edhe si kërcënim hibrid. Sipas tij, partitë politike gjatë fushatës zgjedhore theksin e vendosën kryesisht tek kujdesi për mjedisin, mirëpo shton se të njëjtët duhet të kujdesen që tani që kaluan zgjedhjet të zbatojnë atë që thonë.

“Për sa kohë që rrezikimi dhe ndotja e mjedisit lidhen me korrupsionin, me tregtimin ndikimit, gjithashtu konsiderohet si kërcënim hibrid, sepse vet korrupsioni lidhet me krimin e organizuar, pra rrezikon të drejtat e njeriut dhe sundimin e ligjit, atëherë kemi arsye serioze për t’u shqetësuar. Nuk bëhet fjalë vetëm për mungesë ndërgjegjësimi, por bëhet fjalë për arsye më të thella, si përftimi përmes keqpërdorimit”- tha Vlladimir Georgiev- anëtarë i Antikorrupsionit.

Ministri i Mjedisit Naser Nuredini tha se do të përmes 6 ligjeve të miratuara një muaj më parë në Kuvend synim është menaxhim i mbetjeve në mënyrë më transparentë dhe monitorimi i aktorëve të përfshirë në këtë proces, në mënyrë që të parandalohet korrupsioni në këtë sferë. Këto konstatime u dhanë në debatin publik me temë “Kushtet mjedisore – menaxhimi i mbetjeve” organizuar nga Komisioni Shtetëror për Parandalimin e Korrupsionit./ Alsat

Redaksia
Publikuar nga Redaksia 4 Nëntor, 2021 20:26

27
Nën
Shkoi për gjueti me shokë, por mbeti i plagosur në rrethana ende të pazbardhura, në...
27
Nën
Sot tifogrupi Ballistët i bëjnë 30 vite. Në këtë 30 vjetor ata kanë festuar si...
27
Nën
Nën patronatin e Ali Ahmetit – Kryetar i Bashkimit Demokratik për Integrim, nesër me fillim...
27
Nën
Në mbledhjen e përbashkët mes Kuvendeve të Republikës së Shqipërisë dhe Republikës së Kosovës, gjatë...