Katrugallos dhe Haxidakis për zgjedhjet presidenciale në Maqedoninë e Veriut

Desk
By Desk 23 Prill, 2019 19:30

Ministri i Punëve të Jashtme të Greqisë, Jorgos Katrugallos dhe nënkryetari i Demokracisë së Re, Kostis Haxidakis në radio duel për “Real FM”, mes të tjerash diskutuan për rrethin e parë dhe rrethin e ardhshëm, të dytë, të zgjedhjeve presidenciale tek ne, lajmëroi korrespondentja e MIA-s nga Athina.

Katrugallos shfaqi shpresë se do të fitojnë forcat që luftojnë kundër jotolerancës, Haxidakis supozon se do të fitojë Pendarovski.

“Dëshiroj të besoj se do të fitojnë forcat të cilat dëshirojnë t’i vihet fundi jotolerancës, por, gjithashtu, dëshiroj të theksoj se madje edhe kandidatja e VMRO-DPMNE-së nuk e ka kontestuar zbatimin e Marrëveshjes së Prespës”, tha shefi i diplomacisë greke, Jorgos Katrugallos.

Nënkryetari i Demorkacisë së Re sqaroi se për Marrëveshjen e Prespës pozita e partisë tashmë është e ditur, ndërkaq lidhur me zgjedhjet theksoi se çështja është nëse do të arrihet konsenzusi i domosdoshëm.

“Duket sikur, ka gjasa të zgjidhet kandidati i zotëri Zaevit, prë shkak se, supozoj se shqiptarët në rrethin e dytë është më logjike të votojnë për të, se sa për kandidaten e VMRO-DPMNE-së, por gjithsesi pyetja është nëse do të sigurohet konsenzusi i nevojshëm në zgjedhje, 40 për qind”, tha nënkryetari i Demokracisë së Re, Kostis Haxidakis për radion greke “Real FM”.

Desk
By Desk 23 Prill, 2019 19:30