Kiracovski: Do të gjejmë mënyrë që Pendarovski të fitojë dhe me bojkotë në raundin e dytë

Redaksia 2 vjet ago

Aleksandar Kiracovski, shef i shtabit elektorale të kandidatit presidencial për Maqedoninë, Stevo Pendarovski, njoftoi sot përpara mbajtjes së Konventës së zgjedhjeve në Qendrën sportive Boris Trajkovski në Shkup, se ata do të marrin fitoren edhe nëse ka bojkotim të strukturave të caktuara në raundin e dytë të zgjedhjeve më 5 maj, përcjell FLAKA.

“Ne e dimë se raundi i parë do të jetë në rregull, por nuk presim që dikush do të bojkotojë raundin e dytë siç po spekulohet. Por edhe nëse dikush e inkurajon këtë, do të gjejmë një mënyrë për të plotësuar censusin. Së bashku me qytetarët dhe Pendarovskin do të krijojmë një numër të mjaftueshëm të numrit të dalësve”, tha Sekretari i Përgjithshëm i LSDM-së.

Pendarovski ishte sonte moderator i Konventës zgjedhore, ndërsa mysafirë që folën ishin Zoran Zaev, Imer Selmani dhe Ana Çupeska. FLAKA