Kontrolli i brendshëm i financave publike, Tevdovski: Do të përforcohen kapacitetet

Desk
By Desk 8 Prill, 2019 19:14

Kontrolli i brendshëm i financave publike, Tevdovski: Do të përforcohen kapacitetet

Do të bëjmë gjithçka që ta realizojmë strategjinë për kontroll të brendshëm të financave publike, theksoi ministri i financave, Dragan Trevdovski, gjatë konferencës ndërkombëtare që po zhvillohet në Shkup, ku përfaqësues të më shumë se 70 vendeve të botës po këmbejnë përvojat në fushën e kontrollit dhe revizionit të brendshëm në sektorin publik.

“Ne jemi vendi i parë në rajon që përpiloi strategji për zhvillimin e këtij sistemi. Do të bëjmë çmos jo vetëm me personel, por edhe ta zhvillojmë sipas standardeve këtë sistem, ngase konsiderojmë se është i rëndësishëm për funksionimin e financave publike. Pas përfundimit të zgjedhjeve do të punojmë hap pas hapi në realizimin e kësaj strategjisë”,- tha ministri i financave, Dragan Tevdovski.

Tevdovski theksoi se seriozisht duhet të përforcohet numri i revizorëve të brendshëm në vend.

Ndryshe, për rreth 1.100 institucione publike në vend janë të angazhuar vetëm 90 revizorë shtetërorë. (TVM2)

Desk
By Desk 8 Prill, 2019 19:14