Kryeministri Dimitar Kovaçevski thotë se ka thirrur Bordin Qendror dhe Ekzekutiv të LSDM-së për ta informuar kryesinë e partisë për atë që ka ndodhur në takimin e liderëve dhe opinionin diametralisht të ndryshuar për ndryshimet kushtetuese të partisë opozitare, përcjell FLAKA.
“Takimi i liderëve tregoi se ka një mendim diametralisht të ndryshuar të partisë VMRO-DPMNE i shprehur përmes deklaratës publike të kryetarit të VMRO-DPMNE-së në vetë konferencën për media, që i jep një dinamikë të re skenës politike në vend. Mendoj se për këtë duhet të informohen BQ dhe KE i LSDM-së, ashtu si para takimit të liderëve, ju e dini që kam pasur një takim edhe me këto organe dhe me partnerët e koalicionit, në të cilat takime kam informuar për hapat e mëtejshëm lidhur me përmbushjen për këtë obligim tonë”, thotë Kovaçevski në një intervistë për “360 gradë”, e cila do të transmetohet sonte nga ora 22:15 në TV Alsat.
Kryeministri thekson se nuk pajtohet me konstatimin se janë refuzuar kërkesat e Mickoskit në takim. Të gjithë, deklaron Kovaçevski, janë të pranuar, përfshirë edhe një qeveri pa BDI. FLAKA
