Kreditë e shpejta, qytetarët: Mundësi e mirë por me kosto të lartë

Desk
By Desk April 6, 2019 19:22

Kreditë e shpejta, qytetarët: Mundësi e mirë por me kosto të lartë

Kohëve të fundit ne vendin tonë janë bërë aktuale kompanitë financiare të cilat ofrojnë kredi të shpejta.

Nuk bëhet fjalë për banka tradicionale por vetëm për firma të vogla të cilat merren me huazimin e parave.

Çdo qytetar i cili merr huanë, paratë duhet ti kthejë në afat prej 3 muaj deri ne 2 vjet. Shuma e parave të huazuara kap vlerën nga 3 mijë deri në 100 mijë denarë.

Gjatë aplikimit, jepen të dhënat fillestare, numri i xhirollogarisë, numri i sigurimit shëndetësor.

Bëhet kontroll nëse aplikuesi është në marrëdhënie të rregullt pune, dhe së fundmi kontrollohet edhe historia kreditore e tij.

“Nëse shuma e kredisë së marrë është 30 mijë denarë dhe kthehet në tre këste, shuma parave të kthyera arrin 37 mijë e 500 denarë. Nëse kredia ndahet në 24 këste, atëherë shuma e cila duhet të kthehet arrin në 68 mijë e 784 denarë. Kjo do të thotë se vlera e mjeteve të kthyera rritet mbi 100%. Nëse shuma e kredisë është 60 mijë denarë dhe kthehet në 12 këste, shuma parave të kthyera arrin 100 mijë denarë”.

Paratë merren shpejtë, pa ndonjë procedurë siç po ndodhë nëpër bankat e zakonshme, pa zhirantë, dhe pa procedura të tjera.

Në shikim të parë, duket shumë e thjeshtë, ditën që bëhet aplikimi, atë ditë paratë i keni ne xhep. Pasojat vijnë më vonë, kur personi që ka marrë huanë nuk rrespekton rekomandimet.

Nëse këstet nuk kthehen në kohë, pason kamatë me gjobë ditore, me bllokim të llogarisë, dhe me përmbarues. Qytetarët e anketuar nga TVM2 thonë se njeriu duhet të harxhojë aq sa ka dhe jo më tepër, sepse kreditë shkaktojnë kokëçarje më vonë.

“Sa i përket atyre kredive Forza apo kutadi unë, nuk janë të preferume po brenda dy muajve tre ti ke për të pasur diçka me ato para pastaj do çash kokën tënde”.

“Jo asnjëherë nuk marrë kredit as unë asa baba im. Asnjëfarë krediti nuk marr pasi nuk i përdori”.

“Skena marr kurrë kredi dhe sdi si shkojnë këta punë shpenzojmë aq sa kemi para”, shprehen qytetaret.

Të punësuarit në këto firma prapa objektivit të kamerës thonë se aplikues janë të gjithë që kanë nevojë për para, qoft edhe për luks.

Këto kompani të cilat kohën e fundit janë shumë aktuale, funksionojnë në mënyrë të rregullt dhe me dokumentacion të kompletuar.

Desk
By Desk April 6, 2019 19:22