Kroacia ka shënuar fitore bindëse ndaj Letonisë në kuadër të kualifikimeve për Kampionatin Evropian “Euro 2024”.
Të përzgjedhurit e Zlatko Dalic triumfuan me rezultatin 5:0. Ndeshja u zhvillua në stadiumin e Rijekas, shkruan Gazeta Express.
Bruno Petkovic (3′, 44′), Luka Ivanusec (13′), Andrej Kramaric (68′) dhe Mario Pasalic (78′) shënuan golat e fitores për kroatët.
Kroacia pas kësaj fitore ka shtatë pikë dhe renditet e dyta në Grupin D. Kombëtarja kroate ndeshjen e ardhshme e luan më 11 shtator, në udhëtim ndaj Armenisë.
Letonia mbetet e fundit në grup dhe pa pikë. Letonezët pas tri ditësh do të presin Uellsin. /Gazeta Express/
