Kroacia rihap kufirin për dhjetë vende të Bashkimit Europian

Kroacia rihap kufirin për dhjetë vende të Bashkimit Europian

E shqetësuar për sektorin e saj të turizmit, i goditur nga pandemia e COVID-19, Kroacia hapi sot kufirin për shtetasit e dhjetë vendeve të BE-së, njoftoi kryeministri Andrej Plenkoviç.

“Kroacia ka anuluar ndalimin e përkohshëm të kalimit kufitar për shtetasit e disa vendeve”, tha ai, në një takim të kabinetit.

“Ne po i hapim kufijtë për turizmin”, shtoi kryeministri.

Ekspertët vlerësojnë se të ardhurat nga turizmi, që përbëjnë rreth 20% të PBB-së së Kroacisë, mund të bien me 70% këtë vit për shkak të efekteve të pandemisë.

Lista e këtyre vendeve përfshin Gjermaninë, Slloveninë dhe Austrinë, shtetasit e së cilëve janë ndër turistët që vizitojnë më shumë Kroacinë çdo vit, veçanërisht bregdetin e saj të Adriatikut.

Kjo masa është e aplikueshme edhe për Republikën Çeke, Estoninë, Hungarinë, Letoninë, Lituaninë, Poloninë dhe Sllovakinë.

Plenkoviç sqaroi se vendet janë përzgjedhur sipas tendencës së epidemisë, e ngjashme me atë në vendin e tij.

Redaksia Flaka
nga Redaksia Flaka 28 Maj, 2020 19:55

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.