“Kur cenohet një e drejtë, rezistenca është detyrim” – mesazhi i Ilir Hasanit
Botuar nga Flaka
Deputeti i Bashkimi Demokratik për Integrim, Ilir Hasani, ka bërë thirrje për pjesëmarrje masive në protestën e studentëve shqiptarë, duke e cilësuar ditën e nesërme si një “provë dinjiteti”.
Ai thekson se të drejtën për të dhënë provimet e jurisprudencës në gjuhën shqipe askush nuk e ka dhënë si favor — është një të drejtë e fituar me ligj, sakrificë dhe përkushtim ndër vite. Çdo tentativë për ta mohuar këtë është shkelje e barazisë dhe e shtetit të së drejtës.
Hasani kritikon qeverinë për përpjekjet për të relativizuar protestën, duke e etiketuar si politike, ndërsa thekson se rezistenca ndaj cenimit të të drejtave është detyrim moral.
“Prandaj, nesër, unë do të jem aty — jo për politikë, por për parim. Për të drejtën që askush të mos diskriminohet për gjuhën e tij. Për një shtet që respekton qytetarët e vet njësoj,” shkruan Hasani, duke ftuar studentët, profesionistët dhe qytetarët që të bashkohen në mbështetje të barazisë dhe drejtësisë.
Ai përfundon me mesazhin: “Sot është provimi i tyre — nesër mund të jetë i yni.”
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
