Lajm i keq për ata që presin një iPhone SE më të madh

Redaksia
Publikuar nga Redaksia 19 Janar, 2022 22:28

Lajm i keq për ata që presin një iPhone SE më të madh

Përdoruesit, të cilët presin një model më të madh iPhone SE, do të duhet të jenë të durueshëm për disa kohë.

Sipas analistëve Ross Young, iPhone SE me një madhësi ekrani 5.7 inç (ose më i madh) nuk mund të shfaqet më herët në vitin 2023, dhe ndoshta edhe në 2024.

Aktualisht, seria Apple iPhone SE bazohet në modelin iPhone 8 kur bëhet fjalë për dizajn. Kjo do të thotë se në segmentin e ekranit, modelet aktuale të iPhone SE kanë ekrane 4.7 inç.

I njëjti dizajn pritet të zbatohet edhe për modelin e ardhshëm, të quajtur iPhone SE Plus, dhe pritet në mars të këtij viti.

Modeli i përmendur i iPhone SE Plus do të ketë mbështetje për 5G, do të fuqizohet nga çipi A15 Bionic, do të ketë një sensor të përmirësuar të kamerës në anën e pasme dhe disa përmirësime të tjera.

Në çdo rast, ata që presin për një iPhone më të lirë do të kenë në dispozicion iPhone SE Plus të ardhshëm, ose mund të presin disa vite dhe të presin për një model më të madh iPhone SE. /Telegrafi/

Redaksia
Publikuar nga Redaksia 19 Janar, 2022 22:28