Deputeti Skender Rexhepi-Zejdi sot zyrtarisht themeloi partinë e tij e cila do të quhet “Lëvizja e Popullit”. Është kjo partia politike e nënta që është aktive ndër shqiptarët e Maqedonisë së Veriut, pas BDI, PDSH, ASH, LQE, AAA, LB, LD dhe PDE, njofton Flaka.
Zejdi u shpreh se Zoti nuk e ndryshon gjendjen e popullit, derisa ai popull ta ndryshojë gjendjen e tij
“Zoti nuk e ndryshon gjendjen e popullit, derisa ai popull ta ndryshojë gjendjen e tij. I prirur nga thëniet e të parëve tanë, që patriotizmi dhe atdhedashuria janë tiparet e njerëzve që dëshirojnë ta ndryshojnë shoqërinë, i prirur nga thënie e njohur që nëse dëshirojmë ta ndryshojmë botën, duhet të jem shembull, ndërsa më pak të flasim, sepse fjala vet nuk e ndryshon botën, andaj sot me plot krenari dhe dinjitet them se ky trup, ky grup do ta ndryshojë botën sepse është shembulli më i mirë që mund të ketë deri tash dikush”, tha Zejdi.
