Zakonisht, koalcionet dhe bashkëpunimet mes subjekteve politike arrihet në prag të zgjedhjeve, që efekti të jetë maksimal dhe reflektues në vështrim të elektoratit. Por, bashkëpunimi mes Lëvizjes Besa dhe Alternativës që u arrit të premtjen në mesditë, duket që nuk ka pasur për bazë këtë kriter.
Pikë tjetër e pafavorshme e këtij bashkëpunimi është fakti që duart u shtrinë një ditë pas publikimit të anketës nga NDI-ja amerikane. Rezultati i sondazhit ishte dëshpërues për subjektet opozitare. Lëvizja Besa kishte përkrahje për 1% për dallim nga dy partitë e tjera politike BDI e ASH që ndaras u ranguan me 8 dhe 3%, respektivisht 11% së bashku. Diferenca është drastike mes partive politike shqiptare në pushtet dhe opozitë. Ndërkohë, në listën e sondazhit nga NDI, partia e Afrimit Gashit nuk ishte e ranguar aspak.
Në pyetjen “Nëse zgjedhjet mbahen javën e ardhshme për cilën parti do të votonin?”, më shumë se gjysma nga të anketuarit u përgjigjën se nuk do të votonin ose nuk dinë se për kë do të votonin. Për VMRO-DPMNE-në do të votonin 17% nga të anketuarit, për LSDM-në 12%, BDI-ja do të fitonte përkrahje prej 8% nga qytetarët e anketuar, 4% deklaruan se do të votonin për Të Majtën, 3% për Aleancën për Shqiptarët, ndërsa 1% përkrahje ka Lëvizja Besa.
Anketa në terren u zbatua në periudhën 22 shkurt – 9 mars të vitit 2023 tek 1.002 të anketuar mbi 18-vjeçarë në tërë territorin e shtetit, përmes metodës fytyrë në fytyrë. Flaka
