LSDM: Për keqpërdorime dhe nepotizëm Siljanovska të drejtohet te shefi i shtabit të saj zgjedhor

Shefi i shtabit të Siljanovskës, Igor Janushev, është pjesë e hetimit të PSP-së, i quajtur “Disenj” për shkak të ekzistimit të dyshimit bazë për kryerjen e veprës penale “keqpërdorim i pozitës zyrtare dhe autorizimit”, lidhur me furnizimin e dyshuar publik të autobusëve.

Janushev është një prej simboleve për nepotizëm të VMRO-DPMNE-së. Në kohën e VMRO-DPMNE-së, babai dhe motra e Igor Janushevit janë punësuar në QMK dhe MPB.

Më në fund edhe Siljanovska është shembull për nepotizëm dhe politikan kalimtar.

Siljanovska kur ka qenë ministre në Qeverinë e parë politike nga pavarësia, në vitet e nëntëdhjeta, bashkëshorti i saj është marrë me biznes me fri-shop.

Qytetarët nuk do të lejojnë persona të pandershëm dhe të pasinqertë, simbol për nepotizëm dhe keqpërdorime, të humbur në politikë që të mbeten në krye të shtetit.