“Maqedonia e Veriut mund të shkojë në zgjedhje të parakohshme pranverën e ardhshme”

Linda Limani
Publikuar nga Linda Limani 2 Nëntor, 2021 13:01

“Maqedonia e Veriut mund të shkojë në zgjedhje të parakohshme pranverën e ardhshme”

Ish-ambasadori i Shqipërisë në Shkup, Arben Çejku, vlerëson se nëse deri në dhjetor nuk ka zhvillim pozitiv për çështjen e integrimeve evropiane, nuk përjashtohet që në pranverë të ketë zgjedhje të parakohshme parlamentare në Maqedoninë e Veriut.

“Nëse ndodh që Zaev deri në dhjetor të mos marrë lajme të mira për çështjen e integrimeve evropiane, ka mundësi që Maqedonia e Veriut të shkojë në zgjedhje të parakohshme pranverën e ardhshme. Hapësira e lënë nga Bashkimi Evropian, bëri që për herë të parë në histori një lëvizje e majtë në Maqedoninë e Veriut të jetë vendimtare në zgjedhje dhe të çojë në dobësimin e LSDM-së. E majta, parti që ka retorikën e ideve të Marksit dhe Leninit, së bashku me VMRO-DPMNE-në, shkaktuan tërmet në LSDM”, tha Çejku duke dalë në emisionin “Real Story” në News 24.

Çejku po ashtu ka thënë se VMRO është “kërcënim i hapur për Qeverinë e Zaevit”.

“Me gjithë problemet që ka pasur gjatë qeverisjes së saj, VMRO është një faktor i rëndësishëm. Si forcë politike, VMRO është një kërcënim i hapur për Qeverinë e Zaevit. VMRO është anëtare e PPE-së, ka një CV në pushtet, pavarësisht se nuk ka dashur të nënshkruajë marrëveshjen me Greqinë. Nuk besoj se do të kthehet Gruevski, por se VMRO-ja është aty dhe e gatshme ta marrë pushtetin”, thotë Çejku.

Sipas tij, në fushatën e zgjedhjeve lokale nuk ka pasur retorikë nacionaliste dhe ka pasur debate lokale, gjë që është për t’u përshëndetur.

“Për fatin e Zaevit, ai publikisht dha dorëheqje për shkak të mungesës së komunikimit me BDI-në. Nga ana tjetër kemi konfuzion në faktorin ndërkombëtar. “Pashë një reagim nga Departamenti Amerikan i Shtetit, i cili nuk tha asgjë të qartë”, tha Çejku.

Linda Limani
Publikuar nga Linda Limani 2 Nëntor, 2021 13:01

27
Nën
Shkoi për gjueti me shokë, por mbeti i plagosur në rrethana ende të pazbardhura, në...
27
Nën
Sot tifogrupi Ballistët i bëjnë 30 vite. Në këtë 30 vjetor ata kanë festuar si...
27
Nën
Nën patronatin e Ali Ahmetit – Kryetar i Bashkimit Demokratik për Integrim, nesër me fillim...
27
Nën
Në mbledhjen e përbashkët mes Kuvendeve të Republikës së Shqipërisë dhe Republikës së Kosovës, gjatë...