Margaritis Schinas: Vizita e Ciprasit në Maqedoninë e Veriut, është në kuadër të logjikës për normalizimin evropian të Ballkanit Perëndimor

Redaksia 2 vjet ago

Komisari kompetent, zoti Han, e përshëndeti vizitën e cila është pikërisht në logjikën e normalizimit, normalizimit evropian të Ballkanit Perëndimor, që Greqia, ka dhe duhet të luajë rol vendimtar si në nivel institucional ashtu edhe në nivel të biznesit, tha Margaritis S’hinas, zëdhënës i Komisionit Evropian për qëndrimin e KE-së për vizitën që para pak kohësh Aleksis Cirpas e pati në Shkup.

Në intervistën për agjencinë greke të lajmeve ANA-MPA, lidhur me situatën e Ballkanit Perëndimor, veçanërisht pas Marrëveshjes së Prespës, S’hinas tha se shtetet me ngadalë po lëvizin drejt rrugës evropiane, gjë që është e re për rajonin, raportoi korrespondentja e MIA-s nga Athina.

“Pas shumë viteve, ekziston një dinamikë në Evropën Juglindore dhe në Ballkanin Perëndimor, për herë të parë pas shumë viteve, të gjitha vendet e rajonit përcaktohen qartë për rrugën evropiane. Kjo është relativisht diçka e re. Në të kaluarën situata nuk ishte e tillë dhe ky është një sukses i madh për Evropën. Por jo vetëm e Evropës, gjithsesi edhe e vendeve të tjera të rajonit të cilat me ngadalë po përpiqen që të përfitojnë nga ky, siç e vlerësoj, ndryshim i pakthyeshëm i forcave shoqërore dhe politike drejt Evropës”, thotë S’hinas dhe shtoi se ky kapital politik nuk duhet që të humbasë, por nuk nënkupton atë se “janë mënjanuar të gjitha rreziqet”

Zëdhënësi i Komisionit Evropian thotë se i nevojiteshin shumë vite që të çrrënjosej irredentizmi nga vendet e Ballkanit, por asnjëherë nuk duhet që të hiqen sytë nga “rreziku i irredentizimit dhe konflikteve etnike apo konflikteve të tjera i cili gjithmonë ekziston, jo vetëm me fjalë, por edhe me retorikë dhe me taktika etj”.