Mbi 60 për qind e qytetarëve besojnë se shteti nuk është i gatshëm të përballet me krizën ekonomike dhe inflacionin, sipas anketës së opinionit publik të kryer nga Instituti për hulumtime politike në Shkup (IPIS) për programin Detektor në një kampion përfaqësues prej 1119 të anketuarve përmes anketës telefonike të realizuar në periudhën 23-26 dhjetor, përcjell FLAKA.
Sipas anketës, 60.7 për qind e të anketuarve mendojnë se vendi nuk është gati të përballet me krizën ekonomike dhe inflacionin, ndërsa 32.4 për qind e shohin gatishmërinë. Rreth 62,7 për qind e qytetarëve janë të mendimit se masat aktuale të qeverisë për përballimin e pasojave të krizës ekonomike dhe inflacionit nuk po japin rezultat, ndërsa 28,5 për qind e të anketuarve e shohin efektin e tyre. Më të pakënaqur nga masat janë në rajonin e Pellagonisë, ku 69 për qind e qytetarëve janë të mendimit se masat e qeverisë nuk japin rezultat.
Shumica e qytetarëve – 56,8 për qind janë pesimistë për pritjet për këtë vit dhe besojnë se inflacioni dhe kostoja e jetesës do të rriten, ndërsa një e katërta janë të mendimit se do të jenë afërsisht të njëjta me ato aktuale. Vetëm 9.5 për qind presin ulje.
Shumica e qytetarëve presin që kriza ekonomike të zgjasë disa vite. Këtë qëndrim e ndajnë 31.8 për qind e të anketuarve. 23,8 për qind e të anketuarve presin përfundimin e krizës në fund të këtij viti, ndërsa 17,7 për qind besojnë se kriza ekonomike do të përfundojë pas dy vitesh.
Shumica e qytetarëve besojnë se qeveria ka pasur ndikimin dhe përgjegjësinë më të madhe për krizën aktuale ekonomike. Në një shkallë nga 1 në 5, 44 për qind e qytetarëve i dhanë qeverisë një “pesë” për shkallën e përgjegjësisë për krizën, 33.2 për qind e vlerësuan luftën në Ukrainë me shkallën më të lartë të përgjegjësisë për krizën dhe 29 për qind faktorë të tjerë të jashtëm.
Sipas qytetarëve, më së paku ndikim në krizë ka pasur pandemia e koronës dhe opozita. Në shkallën nga 1 në 5, qeveria mori notën mesatare më të lartë si shkalla më e lartë e përgjegjësisë për krizën aktuale ekonomike. Vlerësimi mesatar i saj është 3.95, dhe 44.3 për qind e të anketuarve besojnë se ka pasur ndikim të madh në krizë, ndërsa vetëm 8.2 për qind besojnë se politikat e qeverisë nuk kanë ndikuar në krizën ekonomike. Me një vlerësim mesatar prej 3.9, vlerësojnë qytetarët. se faktorë të tjerë të jashtëm patën një ndikim të madh në krizë. Opozita ka notën mesatare më të ulët për ndikimin e saj në krizë. Në një shkallë nga 1 deri në 5, qytetarët e vlerësuan atë me 3.13. FLAKA
