Mediat ndërkombëtare shkruajnë për dorëheqjen e Zoran Zaevit

Linda Limani
Publikuar nga Linda Limani 1 Nëntor, 2021 10:49

Mediat ndërkombëtare shkruajnë për dorëheqjen e Zoran Zaevit

Dorëheqja e mbrëmshme e kryeministrit Zoran Zaev, është bërë lajm edhe në mediat ndërkombëtare, të cilat poashtu kanë raportuar për procesin zgjedhor në Maqedoninë e Veriut,

Agjencia e lajmeve “Reuters”, përcjell Telegrafi, shkruan se kryeministri Zoran Zaev dha dorëheqjen pasi partia e tij humbi raundin e dytë të zgjedhjeve për kryetar komune në disa qytete të vendit, përfshirë kryeqytetin Shkupin.

Reuters shton se Zaev mbetet i mendimit se është kundër zgjedhjeve të parakohshme, duke thënë se sipas ligjit, koalicioni mund të pajtohet për një kandidat tjetër për kryeministër dhe të formojë qeveri pa votim të ri.

“Unë kam sjellë lirinë dhe demokracinë dhe demokracia do të thotë të marrësh përgjegjësi,” citoi AFP të thoshte Zaev, duke shtuar se ai ofroi disa detaje ose një afat kohor se kur do të jepte dorëheqjen – një masë që duhet miratuar nga parlamenti. Zaev tha se kundërshton një raund të ri zgjedhjesh pas dorëheqjes së tij.

Agjencia gjermane e lajmeve DPA në lajmin për dorëheqjen e Zaevit thekson se ai konsiderohet reformator properëndimor dhe se ka premtuar dorëheqje nëse partia e tij ka rezultate të dobëta në kryeqytetin Shkup.

Ndryshe, pas dorëheqjes Zoran Zaev tha se nuk ka nevojë të ketë zgjedhje të reja parlamentare, ndërsa sipas asaj që parasheh Kushtetuta, duhet të ketë mandatar të ri për formimin e Qeverisë së re./Telegrafi/

Linda Limani
Publikuar nga Linda Limani 1 Nëntor, 2021 10:49
  • Ndiqeni faqen tonë në Facebook për lajmet më të fundit dhe për prodhimet tona më të reja multimediale.
  • Ndiqeni llogarinë tonë në Instagram me përmbajtje të veçantë dhe informuese – fotogaleri, video dhe infografika.
  • Abonohuni në kanalin tonë në Youtube për videove ekskluzive nga të katër anët e globit.
  • Ndiqeni llogarinë tonë në Twwiter për t’u informuar vazhdimisht për zhvillimet më të fundit në Maqedoninë e Veriut, në rajon dhe në botë.