Mesazh kundër dhunës: Monumenti “Gostivari” ndriçohet portokalli nga qendra “Etika”

Botuar nga Driton Zenku 9 Dhjetor, 2025 08:56

Në kuadër të fushatës globale “16 Ditë aktivizëm kundër dhunës me bazë gjinore”, Qendra për të Drejtat e Grave “Etika” ka ndërmarrë një aksion simbolik në qytetin e Gostivarit, duke ngjyrosur monumentin “Gostivari” me ngjyrë portokalli – ngjyra ndërkombëtare e fushatës për ndërgjegjësim dhe kundërshtim ndaj dhunës ndaj grave dhe vajzave.

Nga organizata “Etika” theksojnë se ky gjest simbolik ka për qëllim të dërgojë mesazhin e unitetit dhe forcës kundër çdo forme të dhunës në familje dhe dhunës me bazë gjinore.
“Në kuadër të fushatës globale 16 Ditë Aktivizëm Kundër Dhunës në familje dhe dhunë në bazë gjinore, edhe Gostivari i bashkohet thirrjes botërore për ndryshim,” thuhet në reagimin e organizatës.

Ato shtojnë se ngjyrosja e monumentit është një thirrje për solidaritet dhe angazhim shoqëror:
“Sot, duke ngjyrosur monumentin ‘Gostivari’ në portokalli, ne ngjyrosim simbolikisht edhe botën me shpresë, solidaritet dhe guxim. Le të kontribuojmë së bashku në eliminimin e dhunës në familje dhe dhunës në bazë gjinore.”

Aksioni vjen në një periudhë kur statistikat për dhunën ndaj grave në vend vazhdojnë të jenë alarmante, ndërsa organizatat e grave kërkojnë angazhim më të madh institucional, shoqëror dhe komunitar për të parandaluar këtë fenomen. Gazeta Flaka

Botuar nga Driton Zenku 9 Dhjetor, 2025 08:56

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.