Messi: Ronaldon nuk e kam mik, por do të pranoja të darkoja me të

Messi: Ronaldon nuk e kam mik, por do të pranoja të darkoja me të

Lionel Messi ka folur së fundmi për raportet e tij me rivalin më të madh në futboll, Cristiano Ronaldon.

Messi dhe Ronaldo kanë qenë lojtarin që kanë dominuar futbollin botëror për më shumë se dhjetë vite, duke fituar secili nga pesë Topa të Artë.

Rivalitet i tyre ka qenë i madh edhe shkaku i skuadrave, Barcelona dhe Real Madridi, ndërsa me transferimin e portugezit te Juventusi ka ardhur një ‘armëpushim’.

Para disa ditësh Ronaldo ka shprehur gatishmëri për të darkuar me Messin, ndërsa së fundmi një gjë të tillë e ka aprovuar edhe argjentinasi.

“Po, nuk kam ndonjë problem me këtë”, ka thënë fillimisht Messi për Sport, kur u pyet nëse do të darkonte me Ronaldon.

“Unë gjithmonë kam thënë që nuk kam ndonjë çështje me të. Ne mund të mos jemi miq sepse nuk kemi ndarë kurrë zhveshtoren së bashku, por gjithmonë e shoh atë në ceremoni çmimesh dhe nuk ka asnjë problem”.

Bashkëbisedimi i ngrohtë mes dy ikonave të futbollit botëror, Ronaldo: Nuk kemi ngrënë darkë së bashku, por e shtyjmë njëri tjetrin përpara

“Ne në fakt kemi biseduar me njëri-tjetrin shumë gjatë në ceremoninë e fundit”.

“Nuk e di nëse do të ketë një darkë sepse nuk e di nëse shtigjet tona do të na takojnë për arsye të dukshme, secili prej nesh ka jetën tonë dhe angazhimet tona. Por padyshim që unë do ta pranoja ftesën”, përfundoi ylli i Barcelonës.

Redaksia Flaka
nga Redaksia Flaka Shtator 12, 2019 20:15

HAPËSIRË E SPONSORIZUAR

Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.

REKLAMA