Milloshoski: Zaev është kryeministri më i pasur në Evropë

Redaksia
Publikuar nga Redaksia 9 Nëntor, 2021 22:23

Milloshoski: Zaev është kryeministri më i pasur në Evropë

Antonio Milloshoski, anëtar i KE-së së VMRO-DPMNE-së dhe deputet në emisionin “Fli nëse mundesh” në Tv Alfa tha se duhet të ketë përgjegjësi penale për ngjarjet në REK Manastir dhe gjithë strukturën e ELEM-it, përcjell FLAKA.

Milloshoski theksoi se asnjë nga tre blloqet e REK Manastir nuk funksionon.

“Asnjëra prej tyre nuk funksionon, tashmë e kemi paralajmërimin e pestë apo të gjashtë nga Komuniteti Evropian i Energjisë se Maqedonia po e vjedh rrymën dhe qytetarët duhet ta paguajnë në shumën prej 16-17 milionë euro. Sigurisht që do të paguhet nga buxheti i shtetit. Por buxhetin e mbushin biznesmenë, qytetarë, pensionistë, fermerë. Do të jetë një rritje shtesë në jetën e çdo njeriu, pavarësisht nëse është maqedonas, shqiptar, turk, i vendosur, i pavendosur, për pushtet, për opozitë. Në 6-7 muajt e ardhshëm do të kemi një periudhë shumë të vështirë dhe prandaj sipas meje çdo ditë shtesë e Zaevit në pushtet, apo ruajtja e status quo-së do të jetë thellim i krizës politike dhe ekonomike dhe rritje e inflacionit në shpinë të qytetarëve”, përfundoi Milloshoski.

Milloshoski theksoi se Zaev nuk mund të pritet të jetë zgjidhje kur ai nuk mund të vendos as dorëheqjen e tij. BDI vendos për dorëheqjen e Zaevit.

“Zoran Zaev, i cili po humb legjitimitetin, është kryeministri më i pasur në një nga vendet më të varfra në Evropë. Maqedonia është e gjashta në listën e vendeve të varfra në Evropë. Dhe Zoran Zaev është i pari për nga pasuria në krahasim me të gjithë kryeministrat. Tani, të mërkurën, kryeministri holandez Rute do të vizitojë Maqedoninë, për ta pyetur kryeministrin holandez Rute sa i pasur është, sa kompani ka, sa para ka në llogarinë e tij, sa ka vëllai i tij, kushëriri, këmbari, e kështu me radhë, do të shihni se Zoran Zaev është pesë herë kryeministër më i pasur se kryeministri holandez Rute. Dhe Holanda është një nga më të pasurat, ndërsa Maqedonia është për fat të keq një nga më të varfrat dhe më të korruptuarat në Evropë”, tha Milloshoski. FLAKA

Redaksia
Publikuar nga Redaksia 9 Nëntor, 2021 22:23

29
Nën
Në pjesën e tretë të Programit 200, i ftuar ishte zv/ministri i Drejtësisë, Agim Nuhiu,...
29
Nën
Shpeshë herë viktimat ngelin udhëve, pasi që kapacitet e qendrave strehuese nuk janë shumë të...
29
Nën
Drejtori i Agjencisë së Ushqimit dhe Veterinarisë, Nikolçe Babovski, në emisionin “Utrinski” në “Telma” tha...
29
Nën
Viktimat e dhunës familjare kanë qenë sonte temë në Programin 200, me gazetaren Semra Musai....