Ministrja bullgare: Zjarri në autobusin e RMV është shumë i çuditshëm, ka filluar shumë shpejt

Redaksia
Publikuar nga Redaksia 27 Nëntor, 2021 21:34

Ministrja bullgare: Zjarri në autobusin e RMV është shumë i çuditshëm, ka filluar shumë shpejt

Ministrja e përkohshme e Zhvillimit Rajonal të Bullgarisë, Violeta Komitova tha për BNT se ditën e tragjedisë së autobusit ka nisur për në vendin e aksidentit në autostradën e Strumës, por pasi ka biseduar me kryeministrin Stefan Janev, ai e ka këshilluar të mos shkonte, përcjell FLAKA.

Sipas Komitovës, e cila është eksperte për mbrojtjen nga zjarri të objekteve, ka diçka shumë të çuditshme, e ajo është se zjarri ka shpërthyer shumë shpejt dhe është përhapur, gjë që ndodh në raste shumë të veçanta.

“Aksidenti me autobusin maqedonas kombinohet me zjarr. Shpërthimi është më i fortë se zjarri, sepse nuk ka kohë për të reaguar”, shtoi Komitova.

Ajo tregon se rreth nesh është plot me elementë shpërthyes.

“Zjarri në autobusin e “Besa Trans” ka prekur objekte që janë djegur shumë shpejt dhe nuk ka pasur kohë për reagim nga pasagjerët. Të krijohet përshtypja se shoferi nuk ka tentuar të zbresë nga autobusi, megjithëse ka pasur më shumë kohë për t’u evakuuar nga autobusi. Shoferi e njihte këtë rrugë sepse udhëtonte çdo javë. Fatkeqësisht, raporti i kontrollit rrugor nuk është i plotë”, sqaroi ministrja rajonale e Bullgarisë.

Gardhi i sigurisë rrugore, thotë Komitova, është bërë sipas një projekti të vitit 2002, që nuk do të thotë se është jashtë normave, duke shtuar se në kohën kur është ndërtuar ka qenë sipas rregullave. Ajo pranon se nuk e kishte marrë që autostrada “Struma” ishte në një gjendje të tillë dhe se aksidenti hapi temën.

Komitova tha se do të përpiqen të ndryshojnë shpejtësinë dhe shenjat e rrugëve, si dhe të marrin përgjegjësinë e kompanisë për përfundimin e projektit më shpejt. FLAKA

Redaksia
Publikuar nga Redaksia 27 Nëntor, 2021 21:34