Model 3 i Tesla mbizotëron në SHBA, por Nissan Leaf po udhëheq në botë

Model 3 i Tesla mbizotëron në SHBA, por Nissan Leaf po udhëheq në botë

Automjeti i fundit me flamurin e Tesla-s ka mbizotëruar në tregun e automjeteve elektrike amerikane (EV) që nga debutimi i tij në vitin 2017.

Bëhet fjalë për veturën që ka kapur më shumë se 190,000 shitje në SHBA, sipas IHS Markit, dhe kap 67% të tregut të veturave elektrike në tremujorin e fundit të SHBA.

Sipas mediave të huaja, përcjell Telegrafi, Model 3, i cili siguroi më shumë se 200,000 para-porositje brenda dy ditëve nga shpallja në vitin 2016, po mund në garë makinat konvencionale nga BMW, Mercedes, Audi dhe të tjera.

Megjithatë ambiciet e Tesla-s do të kërkojnë më shumë sesa të zotërojnë tregun amerikan.

Kjo pasi që, jashtë vendit, Nissan Leaf mbetet makina elektrike më e njohur në botë.

Bëhet fjalë për veturën që ka arritur 400,000 shitje kumulative, njoftoi Nissan këtë mars, dhe është në rrugën e duhur për të arritur gjysmë milioni vitin e ardhshëm.

Për dallim nga Tesla, Nissan ka fabrika në të gjithë botën. Tre prej tyre, në Japoni, Angli dhe SHBA, (Tennessee), prodhojnë Leaf.

Për të mbajtur kostot e ulëta, shumica e linjave të përpunimit dhe montimit ekzistojnë në hapësira të përbashkëta.

Kjo thuhet se e ka mbajtur çmimin e Leaf në 29.990 dollarë për një model standard 2019, dhe më të ulët se 11,000 dollarë për një model të përdorur nga viti 2015.

Ndërsa Tesla lulëzon me stilin e saj, Nissan i detyrohet suksesin e saj çmimeve të ulëta dhe funksionalitet.

Kështu, David Undercoffler, kryeredaktori i Autolist.com, parashikon se kalimi i Teslës në shitjen e automjeteve të tregut në masë nuk do të jetë i lehtë.

Me rritjen e konkurrencës së veturave elektrike dhe çmimet mesatare që bien, mbizotërimi i Modelit 3 nuk është më aq i sigurt sa dukej kur filloi.

Tesla tani synon të shesë më shumë se 400,000 vetura këtë vit, shumë prej tyre Model 3. Deri në tremujorin e fundit, nuk ishte aspak në gjysmën e qëllimit të saj, pasi kishte shitur 158.375 vetura gjatë gjysmës së parë të këtij viti.

Redaksia Flaka
nga Redaksia Flaka Shtator 9, 2019 22:57

HAPËSIRË E SPONSORIZUAR

Loading...

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.