Moteli në Indiana ‘ua sheh hajrin’ të arratisurve nga burgu

Redaksia
Publikuar nga Redaksia 25 Maj, 2022 19:56

Moteli në Indiana ‘ua sheh hajrin’ të arratisurve nga burgu

Një listë pritjeje thuhet se po rritet gjithnjë e më shumë në një motel në Indiana, pasi të ftuarit e mundshëm shpresojnë të qëndrojnë në dhomën ku qëndruan dy të arratisur nga një burg.

Bëhet fjalë për të dyshuarin për vrasje, Casey White dhe rojën e burgut Vicky White, të cilët dyshohet se qëndruan të fshehur për një pjesë të 11 ditëve të tyre në arrati, sipas një raporti të fundit.

Sipas mediave të huaja, dhjetëra njerëz kanë shtuar emrat e tyre në listën e pritjes duke shpresuar të marrin me qira dhomën e Motel 41, ku qëndruan të arratisurit nga Qendra e Paraburgimit të Qarkut Lauderdale në Firence, Alabama.

Mediat citojnë një nëpunës anonim moteli duke shtuar se lista e pritjes ishte rritur në të paktën 70 emra njerëzish që shpresonin të qëndronin në dhomën e tyre, nr. 150, deri pasditen e së hënës.

Ndryshe, Casey White, 38, dhe 56-vjeçarja Vicky White dyshohet se ishin strehuar në Evansville, Indiana, Motel 41 përpara kapjes së tyre më 9 maj.

Ata dyshohet se u larguan nga burgu më shumë se një javë më parë, më 29 prill.

Redaksia
Publikuar nga Redaksia 25 Maj, 2022 19:56

Marketing Politik - Çmimore

Presidenciale | Parlamentare