Ndotja e ajrit, Armata mbjell pemë në Shkup, Tetovë e Kërçovë

Ministria e Mbrojtjes, Ministria e Ambientit dhe Qyteti i Shkupit, me përkrahjen e Armatës, realizuan një aksion për gjelbërimin e parkut të kryeqendrës. Aksioni është pjesë e aktiviteteve kundër ndotjes së ajrit.

“Jemi këtu për gjelbërimin në një zonë të rëndësishme për qytetarët e Shkupit. Të gjithë bëjnë sport këtu dhe e shohin parkun si mushkëritë e bardha të kryeqendrës tonë. Deshëm që këtu të kontribuojmë për rritjen e gjelbërimit”,- tha ministrja e mbrojtjes, Radmilla Shekerinska.

“Gjelbërimi për ne është imperativ, e dini se vitin e kaluar 172 metra katror gjelbërim u rinovua në qytetin tonë. Vazhdojmë në kuadër të këtij aksioni, kemi mbjellë një numër të madh të drunjve gjatë verës, kanë përfunduar procedurat dhe pres që në vjeshtë vetëm nëpërmjet parqeve dhe gjelbërimeve mbi 5 mijë fidanë do të mbillen”,- tha kryetari i Qytetit të Shkupit, Petre Shillegov.

“Lufta kundër ndotjes së ajrit nuk është vetëm kur ka ndotje, sot jemi dëshmitarë se në prill nuk kemi ndotje, por ekzistojnë aksione. Sot kemi gjelbërim dhe jo vetëm sot, por edhe aksionet masive për pastrimin e deponive. Lufta për ajër të pastër ka dy komponentë të rëndësishëm, më shumë drunj dhe më pak deponi. Ky është proces që zhvillohet paralelisht nga institucionet shtetërore dhe Qyteti i Shkupit dhe me të vërtetë pres një sezon më ndryshe vitin e ardhshëm”,- tha zëvendësministri i ambientit jetësor, Jani Makraduli.

Aksioni i ARM-së kundër ndotjes së ajrit, përveç Shkupit, u realizua edhe në Tetovë dhe Kërçovë. (Tvm2)