Ndryshon plani i UEFA-së: Kampionati Evropian do të mbahet në një shtet, Rusia i prin garës

Desk
By Desk November 2, 2020 20:35

Ndryshon plani i UEFA-së: Kampionati Evropian do të mbahet në një shtet, Rusia i prin garës

”Le Parisien” raporton se EURO 2020 e shtyrë, që është planifikuar të mbahet në verën e vitit 2021, nuk do të ndodhë në 12 vende të ndryshme siç ishte parashikuar më parë nga Michel Platini.

Ideja kishte qenë që ndeshjet të ndodhin në të gjithë Evropën, nga Londra në Shën Petersburg, nga Bilbao në Baku. Por pandemia COVID-19 shkatërroi këto plane fillestare dhe UEFA tani janë gati të bëjnë përsëri ndryshimin e nevojshëm që Evropiani të mbahet vetëm në një shtet.

Rusia është kandidati kryesor, pasi ka organizuar Kupën e Botës 2018 – arsyet për këtë janë shumëplanëshe: Rusia ka pasur një normë shumë të ulët infeksioni COVID-19 gjatë këtyre 9 muajve të parë – zyrtarisht, ata kanë pasur vetëm 29 mijë vdekje së bashku me më shumë se 1.6 milion raste, transmeton lajmi.net.

Së dyti, ata kanë infrastrukturën më të azhurnuar, pasi kanë organizuar me shumë sukses Kupën e Botës 2018. Ekzistojnë disa zëra kundërshtues në lidhje me mundësinë, me ekspertë të shëndetit botëror që vënë në dyshim shifrat zyrtare të infektimit nga Kremlini dhe shifrat e vdekjes. Për më tepër, kufijtë e vendit janë mbyllur që nga 18 marsi, megjithëse ka përjashtime për atletët.

UEFA refuzoi të konfirmojë ose mohojë raportin kur janë kontaktuar dhe e kanë siguruar ”Le Parisien” se do të marrin konfirmimin kur të jetë koha e duhur.

Ideja e Azerbajxhanit që të bëhet shteti pritës, i cili po konsiderohej seriozisht nga bosët e UEFA-së, është ftohur si një opsion në javët e fundit, për shkak të konfliktit ushtarak të vazhdueshëm me Armeninë. /Lajmi.net/ 

Desk
By Desk November 2, 2020 20:35