NË KUVEND DO TË NDAHET ÇMIMI SHTETËROR “NËNË TEREZË”

Redaksia Flaka
By Redaksia Flaka 26 Gusht, 2018 12:15

NË KUVEND DO TË NDAHET ÇMIMI SHTETËROR “NËNË TEREZË”

Në Kuvendin e Republikës së Maqedonisë sot do t’i ndahet çmimi shtetëror “Nëna Tereza” për vitin 2018 aktivistes Lençe Zdravkin dhe piktorit Omer Kaleshi.

Çmimi ndahet për arritjet e shquara në interes të shtetit në fushën e humanizmit, solidaritetit njerëzor dhe nxitjen e mirëkuptimit të ndërsjellët dhe zhvillimin e bashkëpunimit, si midis popujve, ashtu edhe midis pjesëtarëve të komuniteteve, kulturave dhe feve të ndryshme.

Ky çmim ndahet nga viti 2006 më 26 gusht – dita e lindjes së Nënë Terezës.

Nga 26 gushti deri më 5 shtator do të mbahet manifestimi tradicional “Ditët e Shën Nënë Terezës”, në organizimin e shoqatës qytetare “Shkupjania Nëna Terezë”.

Manifestimi fillon nesër paradite me vendosjen e luleve të freskëta në pllakën përkujtimore në vendin e shtëpisë së saj të lindjes, si dhe në monumentin e saj dhe vendin e shenjtë në Kullën Feudale.

Redaksia Flaka
By Redaksia Flaka 26 Gusht, 2018 12:15