Një turk në Stamboll fiton bukën e gojës duke u rrahur nga klientët e tij
I licencuar si “trajneri i stresit” që nga viti 2012, Hasan Riza Gunay tha se ishte frymëzuar nga filmi i aktorit turk të komedisë Kemal Sunal, Sark Bulbulu, në të cilin protagonisti vullnetarisht i lë të tjerë ta rrahin.
Bazuar në vargun e famshëm të filmit “Më sill Mazlumin”, ai filloi të rrihej në këmbim të parave nga ata që ishin të mërzitur ose të zemëruar me shefin ose gruan e tyre dhe donin të largonin stresin.
“Disa njerëz meditojnë, të tjerë bërtasin, ndërsa të tjerë zgjedhin të rrahin dikë për të larguar stresin”, tha ai, duke shtuar se kjo është një alternativë ligjore në të cilën askush nuk vuan.
“Shumica e klientëve të mi vuajnë nga depresioni, sulme paniku ose janë të mbingarkuar për shkak të rutinës së tyre të përditshme”, tha Gunay.
Duke theksuar se ai pranon vetëm dy deri në katër klientë në ditë, tha se një seancë zgjat mesatarisht 10-15 minuta. Shumica e klientëve të tij janë gra.
Gunay ka edhe një dëshirë.
“Unë do të doja të trajnoja njerëz të tjerë potencialisht të interesuar si ‘trajnerë stresi’ dhe t’i dorëzoja dorëzat e mia te gjenerata e re”, tha Gunay.
