Nesër votohet për mocion mosbesimi ndaj Qeverisë- Xhaferi: Nëse nuk votohet, në 90 ditët e ardhshme nuk mund të ketë sërish votim

Redaksia
Publikuar nga Redaksia 10 Nëntor, 2021 09:52

Nesër votohet për mocion mosbesimi ndaj Qeverisë- Xhaferi: Nëse nuk votohet, në 90 ditët e ardhshme nuk mund të ketë sërish votim

VMRO-DPMNE-ja para dy dite dorëzoi në Kuvend nismën për votimin e mosbesimit ndaj Qeverisë. Nisma ishte dorëzuar saktë në ora 14:30, afat ky i dhënë nga kreu i opozitës Hristijan Mickoski, pasi Zoran Zaev nuk deponoi në Kuvend dorëheqjen e paralajmëruar nga funksioni i kryeministrit.

Nisma është nënshkruar nga 61 deputetë nga radhët e VMRO-DPMNE-së, Aleancës për Shqiptarët, Alternativës, Lëvizjes Besa dhe partisë “E Majta”.

Kryeparlamentari Talat Xhaferi mbrëmjen e djeshme në CLickPlus në TV21 sqaroi procedurën. Ai tha se nëse dështon nisma për mocion të mosbesimit ndaj Qeverisë gjatë ditës së enjte, në rast të nevojës për nismë tjetër, do të duhet të pritet edhe 90 ditë.

“Procedurat janë të qarta. Është caktuar seancë për të enjten. Seanca duhet të ketë epilog. Epilogu mund të jetë, votohet mosbesimi, bie qeveria. Nuk votohet mosbesimi, vazhdon qeveria, por 90 ditët e radhës nuk mund të ketë mocion të ri”, deklaroi Xhaferi.

Redaksia
Publikuar nga Redaksia 10 Nëntor, 2021 09:52
  • Ndiqeni faqen tonë në Facebook për lajmet më të fundit dhe për prodhimet tona më të reja multimediale.
  • Ndiqeni llogarinë tonë në Instagram me përmbajtje të veçantë dhe informuese – fotogaleri, video dhe infografika.
  • Abonohuni në kanalin tonë në Youtube për videove ekskluzive nga të katër anët e globit.
  • Ndiqeni llogarinë tonë në Twwiter për t’u informuar vazhdimisht për zhvillimet më të fundit në Maqedoninë e Veriut, në rajon dhe në botë.