Nevzat Bejta: E mbështesim Pendarovskin pasi atë e mbështesin edhe ndërkombëtarët

Nënkreyatri i BDI-së, Nevzat Bejta sonte në TV 21 në emisionin “ClickPlus”, tha se përvoja e paryisë së tij dhe vendit është e madhe me orgaizimin e zgjedhje presidenciale, por këto zgjedhje shtoi ai, “dallojnë pasi mbahen në një histori të re të vendit, përcjell FLAKA.

“Histori e re pasi ndryshoi Kushtetuta dhe emri dhe tani e kemi emrin Republika e Maqedonisë së Veriut dhe nën këtë emër garojnë kandidatët. Presidenti i ri duhet të çojë para proceset dhe pos euro-intergrimeve duhet punuar për ekonominë”, tha Bejta.

Kemi bërë shumëçka për shqiptarët, tha Bejta si subjekt politik, “e ndryshuam Kushtetutën, e sollëm Ligjin për Gjuhët, Marrëveshja e Ohrit u fut të Prembul, e kemi kryetarin e Kuvendit shqiptar, Talat Xhaferi”. Shtoi se Pendarovskin e mbështesin pikërisht pasi ai i pranon këto ndryshime kundrejtë kandidatit të VMRO-DPMNE-së. Bejta nënvizoi se kandidati konsensual e ka mbështetjen edhe të ndërkombëtarëve.

“E mbështesim Pendarovskin pasi ai ka mbështetje dhe të ndërkombëtarëve, i pranon të gjitha ndryshimet e fundit në vend, nuk i dallon etnitetet. Kandidati tjetër, i VMRO-së, nuk e pranon Ligjin për Gjuhet, emrin e ri kushtetuese, etj. Profesori Reka është i mirë si profesor, por nuk e di pse i hyri kësaj gare, kur ai e dinë se nuk fiton, e kemi provuar ne në të kaluarën dhe me votata e shqiptarëve assesi nuk mundeshim të fitonim e as të futemi në rrethinë e dytë. Partitë e opozitës shqiptare e nxorrën që të mbijetojnë përmes tij në skenën politike”, tha Bejta.

Ai shtoi se Stevo Pendarovski e ka mbështetjen e shumicës së partive politike shqiptare në skenën politike të Maqedonisë së Veriut. FLAKA