Nga 145 mostra, vetëm një rast pozitiv me COVID-19 në Kosovë

Nga 145 mostra, vetëm një rast pozitiv me COVID-19 në Kosovë

Nga 145 mostra të marra nga Klinika Infektive dhe gjurmimi i kontakteve të rasteve në terren, të enjten në Kosovë është konfirmuar vetëm një rast me COVID-19, sëmundja që shkaktohet nga koronavirusi i ri.

“Rasti pozitiv është rast kontakti nga komuna e Vushtrrisë”, thuhet në njoftimin e Institutit Kombëtar të Shëndetësisë Publike.

Të enjten nuk është njoftuar, për ndonjë pacient që është shëruar nga koronavirusi i ri.

Deri më tani në Kosovë janë konfirmuar 1.004 raste të infektuarve, prej të cilëve 29 kanë vdekur dhe 772 janë shëruar.

Në Kosovë rastet e para me koronavirusin e ri u shfaqën më 13 mars.

Deri më tani janë testuar 12.551 persona.

Për të frenuar përhapjen e mëtejmë të virusit, autoritetet kanë shpallur gjendje emergjente të shëndetit publik.

Redaksia Flaka
nga Redaksia Flaka 21 Maj, 2020 22:45

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.