Nga aksidenti i rëndë në Maqedoninë e Veriut, vdes edhe shoferi i dytë, gjatë rrugës për në spital

Redaksia Flaka
By Redaksia Flaka November 6, 2019 21:19

Nga aksidenti i rëndë në Maqedoninë e Veriut, vdes edhe shoferi i dytë, gjatë rrugës për në spital

Një prokuror publik nga Prokuroria Themelore Publike në Kavadar, së bashku me një ekip inspektimi nga Ministria e Brendshme, inspektuan rrugën rajonale Negotinë – Demir Kapija, ku dy persona humbën jetën në një aksident të rëndë automobilistik.

Sipas informacioneve paraprake, aksidenti ka ndodhur në ora 13:30 pasdite pranë fshatit Tremnik, në përplasje direkte mes dy automjeteve pasagjerësh që udhëtonin përgjatë korsive të kundërta. Në momentin e aksidentit jetën e humbi shoferi 40-vjeçari i automjetit të tipit “Hyundai” banor i fshatit Tremnik. Poashtu, edhe shoferi 51 vjeçar nga Negotina i makinës “Golf 3” gjatë rrugës për në spital iu nënshtrua plagëve dhe vdiq.

Me urdhër të prokurorit publik, trupat e të ndjerve janë dorëzuar për obduksion.

Skena e aksidentit është fotografuar, skicuar dhe është dhënë urdhër për ekspertizë teknike për të përcaktuar shkaqet e aksidentit./TS

Redaksia Flaka
By Redaksia Flaka November 6, 2019 21:19