Kryetarja e grupit punues për ndryshimet kushtetuese, Margarita Caca Nikollovska, sonte në “Click Plus” i ka mohuar deklaratat e kreut të VMRO-DPMNE-së, Hristijan Mickoski, se me përfshirjen e bullgarëve në Kushtetutë, do të fillojë procesi i binacionalizimit të shtetit.
“Spekulimet se ndryshimi i preambulës do të ndryshojë identitetin e shtetit dhe se do të jemi shtet binacional dhe se do të humbasim gjuhën, janë çështje që synojnë të inkurajojnë diçka që nuk është e nevojshme. Në këtë moment, Maqedonia si shtet duhet të punojë në arritjen e qëllimit të saj strategjik, që është hyrja në BE, e thënë kështu, po mashtron opinionin se do të jemi shtet binacional”, tha Nikollovska.
