Nuk guxon të mos ketë terapi për pacientët me kancer, thotë zonja e parë

Redaksia
By Redaksia 6 Shkurt, 2023 22:42

Nuk guxon të mos ketë terapi për pacientët me kancer, thotë zonja e parë

Është jashtëzakonisht e rëndësishme që çdo grua dhe çdo individ të ketë akses në këtë shqyrtim të hershëm, sepse, siç e dimë të gjithë, parandalimi, sado i kushtueshëm, është ende shumë më pak se kurimi. Dhe jo vetëm ekonomikisht, por është jashtëzakonisht e rëndësishme që t’i kushtohet shumë vëmendje momentit psikologjik për të sëmurët me kancer, theksoi bashkëshortja e presidentit, Elizabeta Gjorgievska, e cila mori pjesë në panelin “Qasja në shërbime të trajtimit dhe zbulimit të hershëm” me rastin e 4 Shkurtit, Ditës Botërore të Kancerit, e cila u mbajt në Shtëpinë e Evropës, Shkup, përcjell FLAKA.

Ajo shtoi se është jashtëzakonisht e rëndësishme që të trajtohet aspekti psikologjik i këtyre pacientëve dhe familjeve të tyre sepse kjo është sëmundje e gjithë familjes.

Sipas saj, ne duhet të ofrojmë terapinë më moderne për njerëzit që tashmë janë të sëmurë.

“Të gjithë e dimë që muajt e fundit ka pasur problem në furnizimin me terapi. Kjo realisht nuk guxon të ndodhë, pra ata pacientë duhet të marrin terapinë më moderne. Tani kemi barna inovative që mund të bëjnë shumë mbi sëmundjen”, tha gruaja e presidentit.

Në këtë aktivitet, përfaqësues nga institucionet shëndetësore dhe shoqëria civile dhe pacientë diskutuan aksesin në trajtim për pacientët me kancer, aksesin në shërbimet për zbulimin e hershëm të tij dhe çështje të tjera që lidhen me kushtet e kësaj sëmundjeje në vendin tonë, të cilat janë të një rëndësie thelbësore. FLAKA

Redaksia
By Redaksia 6 Shkurt, 2023 22:42