OBSH-ja miraton vaksinën Covaxin të Indisë kundër koronavirusit

Redaksia
Publikuar nga Redaksia 3 Nëntor, 2021 21:48

OBSH-ja miraton vaksinën Covaxin të Indisë kundër koronavirusit

Organizata Botërore e Shëndetësisë miratoi vaksinën e një prodhuesi indian për përdorim urgjent kundër koronavirusit.

OBSH-ja tha se përfitimet e përdorimit të vaksinës Covaxin “i tejkalojnë rreziqet” dhe se ajo është “jashtëzakonisht e përshtatshme për vendet me të ardhura të ulëta dhe të mesme, për shkak të kërkesave të lehta për ruajtje”.

Covaxin prodhohet nga kompania Bharat Biotech dhe efektiviteti i saj është rreth 78 për qind.

Gjashtë vaksinat e tjera kundër koronavirusit, të miratuara nga OBSH-ja, janë: AstraZeneca, Pfizer/BioNTech, Johnson & Johnson, Moderna, Sinopharm dhe Sinovac.

Miratimi nga OBSH-ja hap rrugën që vendet pa rregullatorë mjekësorë, t’i ndjekin udhëzimet e kësaj organizate për përdorimin e vaksinave.

Rregullatori i barnave në Indi e ka autorizuar përdorimin e Covaxin-it qysh në janar.

Deri në mes të tetorit, në Indi janë dhënë mbi 110 milionë doza të kësaj vaksine.

Redaksia
Publikuar nga Redaksia 3 Nëntor, 2021 21:48
  • Ndiqeni faqen tonë në Facebook për lajmet më të fundit dhe për prodhimet tona më të reja multimediale.
  • Ndiqeni llogarinë tonë në Instagram me përmbajtje të veçantë dhe informuese – fotogaleri, video dhe infografika.
  • Abonohuni në kanalin tonë në Youtube për videove ekskluzive nga të katër anët e globit.
  • Ndiqeni llogarinë tonë në Twwiter për t’u informuar vazhdimisht për zhvillimet më të fundit në Maqedoninë e Veriut, në rajon dhe në botë.