Ministri i Punëve të Jashtme, Bujar Osmani, ka vendosur që ta ndërpresë marrëveshjen me profesorin Vanço Gjorgiev, i cili ishte anëtar i Komisionit Maqedono-Bullgar për Çështje Historike dhe Arsimore, përcjell FLAKA.
Ai në një prononcim për “Slloboden Peçat” ka thënë se më pas ka paralajmëruar hetim për akuzat e Gjorgievit dhe pasi janë rezultuar të pabaza, ka vendosur ta ndryshojë atë.
“Profesori nuk dha dorëheqjen formalisht, por unë mora vendimin për të shkëputur kontratën sepse ai lejoi që politika të hynte mes dy raundeve dhe të komprometonte seriozisht Komisionin. Aq më tepër që argumenti ynë është qëndrimi i anëtarëve të tjerë, të cilët njëzëri thonë se asnjëherë nuk ka pasur presion nga Qeveria apo Ministria e Jashtme dhe se janë të befasuar nga një qëndrim i tillë. Duke pasur parasysh periudhën e dorëheqjes së tij, është e qartë se procesi në rastin e tij është i komprometuar politikisht dhe se marrëveshja duhet të ndërpritet dhe të gjendet një anëtar i ri. Pres që vetë komisioni të propozojë një anëtar të ri, ata i njohin ekspertët, e dinë se në cilën fushë u mungon dhe pastaj do ta propozoj në Qeveri”, tha ministri Osmani. FLAKA
