Pacolli: Arrestimi i Jovanoviq tregon që Serbia nuk njeh qytetarinë
Përtej shijeve...
Për femra
Bota e kafshëve
Teknologjia në pëllëmbë
Revista Online
në çdo lajm...
News Agency
Новинска Агенција
Lajme Sport
mos humbisni asnjë lajm
Ministri i Jashtëm i Kosovës, Behgjet Pacolli, ka reaguar rreth arrestimit të Këshilltarit të Kryeministrit, Srdjan Jovanoviq nga autoritetet serbe.
Pacollit përmes një postimi në rrjetin social “Facebook” ka thënë që ky arrestim tregon që Serbia nuk i njeh parimet themelore të qytetarisë.
Ai tha se do t’i kërkojë Zyrës Ndërlidhëse të Kosovës në Beograd që të monitorojë këtë rast.
Postimi i plotë i Pacollit në Facebook:
“Serbia po vazhdon me fushatën e terrorit mbi qytetarët e Republikës së Kosovës, duke i ndalur dhe keqtrajtuar në pika kufitare apo brenda territorit të saj”.
“Arrestimi i sotshëm i Këshilltarit të Kryeminstrit, Srdjan Jovanoviq, nga autoritetet e sigurisë dhe intelegjenca serbe, tregon që Serbia nuk njeh parimet themelore të qytetarisë”.
“Ky regjim jo demokratik, i arreston serbet i Kosovës, sepse mendon që fakti se ata janë serbë, i bënë me automatizëm edhe shtetas të saj. Është pikërisht kjo logjike primitive, sipas së ciles serbet kudo në botë i takojnë Serbisë, ajo e cila e ka shtyrë këtë vend në luftra dhe konflikte me popuj dhe vendet tjera”.
“Do t’i kërkojmë Zyrës Ndërlidhëse të Republikës së Kosovës në Beograd, të monitoroj këtë rast, dhe në rast se Jovanoviç keqtrajtohet, në shenjë proteste ndaj këtij shteti, do të shohim mundësinë e mbylljes së përkohshme të prezencës sonë diplomatike në Serbi”.
“Është e qartë që mungon trysnia nga Bashkimi Evropian mbi këtë vend, dhe edhe përkushtimi për procesin e normalizimit”.
