Pagesat rrugore, për 7 muaj janë mbledhur 23.5 milion euro

Redaksia 2 vjet ago

Nga fillimi i vitit, deri në korrik, nga pikat e pagesës në të gjithë vendin në buxhetin e shtetit r kanë hyrë 23.5 milion.

Sa i përket të njëjtës periudhë të vitit të kaluar ka një rritje prej katër për qind. Nga Ndërmarrja Publike për Rrugë Shtetërore thonë se të gjitha 10 pikat e pagesës kanë shënuar rritje në krahasim me vitin e kaluar, por sipas të ardhurave të realizuara, prinë pika pagesore në Rramanli. Sipas parashikimeve të ndërmarrjes publike, viti 2019 do të jetë një vit rekord në ekzistencën 32-vjeçare të pikave të pagesës. Në të ardhurat totale përfshihen edhe të ardhurat nga shitja e pajisjeve elektronike, kartave dhe etiketave dhe rimbushjes së tyre. Gati shtatë mijë kartela janë shitur që nga lëshimi i pagesës elektronike një muaj më parë. Në periudhën në vijim, do të ndërtohen dy pika të reja pagesore në autostradën Miladinovci – Shtip dhe një në autostradën Kërçovë-Ohër.