Mbrëmjen e të premtes Maroku u godit nga një tërmet vdekjeprurës. Autoritetet raportuan për mbi 600 persona të vdekur dhe mbi qindra të tjerë të plagosur.
Në platformat sociale janë publikuar video nga momenti i tërmetit shkatërrues.
Në pamje shihen ndërtesa që bien, rrugë të shkatërruara dhe njerëz të tmerruar, që vrapojnë në rrugë nga frika e pasgoditjeve.
Epiqendra ishte në Vargun Malor të Atlasit të Lartë, 71 km në jug-perëndim të Marrakeshit, një qytet turistik dhe ka një popullsi rreth 840 mijë banorë.
Sipas Shërbimit Gjeologjik të SHBA-së tërmeti kishte një thellësi prej 18.5 km.
