Pendarovski nga Tetova: Maqedoninë e Veriut e ndajnë vetëm dy muaj nga inkuadrimi në BE

Redaksia
By Redaksia 10 Prill, 2019 22:49

Pendarovski nga Tetova: Maqedoninë e Veriut e ndajnë vetëm dy muaj nga inkuadrimi në BE

Me mbështetjen tuaj për zgjedhjen e presidentit i jepni mbështetje kësaj strukture qeveritare e cila për vetëm dy vjet ka bërë shumë punë për shtetin siç janë marrëveshjet me Bullgarinë, Greqinë dhe ligjin për gjuhët me të cilin u përmbyll Marrëveshja e Ohrit. Me tërë këtë Maqedoninë e Veriut e ndajnë vetëm dy muaj nga inkuadrimi në Bashkimin Evropian, ku përveç gjeografikisht përpiqemi edhe në mënyrë kulturore dhe politike të jemi pesë përbërëse, tha kandidati presidencial i LSDM-së dhe koalicionit, Stevo Pendarovski nga tubimi në Tetovë.

“Për dhjetë vite shteti u udhëhoq nga një njeri që ndau njerëzit dhe ishte i interesuar vetëm për pjesëtarët e partisë së tij dhe bashkësinë etnike. Por ne nuk themi kështu. Edhe para pesë vjetëve edhe tani themi se Maqedonisë i duhet një president i përbashkët. Në vend të parave për përmendore dhe çmenduri të ngjashme, është koha që paratë të shkojnë tek populli. Nga viti 2006 deri në vitin 2016, më shumë njerëz migruan se në dekadën e parë të pavarësisë”, tha Pendarovski.

Kryetari i LSDM-së Zorsan Zaev theksoi se dallimet në Tetovë dhe qytet paraqesin simbol të multietnicitetit.

“Prandaj, ne kemi një kandidat që bashkon, i cili do të jetë presidenti për të gjithë. Është koha për të hequr dorë nga nacionalizmi dhe populizmi. Dikush nga Murtino maqedonas që do të luftojnë për një shqiptar, por edhe një shqiptar që do të luftojë për një maqedonas. Kjo është arsyeja pse ne jemi të bashkuar”, tha Zaev.

Nga partneri i koalicionit BDI, para të pranishmëve fjalim mbajti edhe Arbër Ademi i cili në gjuhën shqipe dhe maqedonase theksoi se siç po kalojnë ditët aq më e madhe është mbështetja për Stevo Pendarovski.

“Tërë Maqedonia do të votojë, për këtë ne jemi të bashkuar për këtë opsion evropian”, tha Ademi.

Redaksia
By Redaksia 10 Prill, 2019 22:49