PNUD: Zhvillimi njerëzor në regresion për shkak të pandemisë

PNUD: Zhvillimi njerëzor në regresion për shkak të pandemisë

Zhvillimi njerëzor është në rënie këtë vit, për herë të parë pas dekadash, për shkak të pasojave shëndetësore, sociale dhe ekonomike të pandemisë COVID-19, sipas Programit të Kombeve të Bashkuara për Zhvillimin (PNUD).

Që nga krijimi i konceptit në vitin 1990, indeksi global i zhvillimit njerëzor, i cili mund të bjerë gjatë këtij viti, ka matur njëkohësisht arsimin, shëndetin dhe standardin e jetës.

“Bota ka përjetuar shumë situata kritike në 30 vitet e fundit, përfshirë krizën financiare ndërkombëtare 2007-2009. Secila e ka goditur me forcë zhvillimin njerëzor, por fitimet e përgjithshme të zhvillimit janë rritur vit pas viti”, theksoi kreu i PNUD-it, Achim Steiner.

“Megjithatë, COVID-19, i cili ndikon në tri fusha njëkohësisht, në shëndetësi, arsim dhe të ardhura, mund të ndryshojnë këtë prirje”, shtoi ai.

“Vetëm veprimet e bashkërenditura, që përqendrohen në barazi, mund ta lehtësojnë këtë krizë të paparë të zhvillimit”, vlerësoi PNUD në një studim të botuar sot, i cili përmend veçanërisht nevojën për të zvogëluar ndarjen dixhitale.

Redaksia Flaka
nga Redaksia Flaka 20 Maj, 2020 21:12

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.