Policia nis hetimin për grupin e mbyllur +18 në “Telegram”

Policia nis hetimin për grupin e mbyllur +18 në “Telegram”

Përmes një grupi në “Telegram” nxënësit e shkollave të mesme të Maqedonisë shpërndajnë fotografi eksplicite të vajzave të mitura të shkollave të mesme, informon “Radio MOF”.

Nga “A1 on” kanë kontaktuar një profesoreshë nga një shkollë e mesme e cila theksoi se bëhet fjalë për fotografi të vajzave të mitura prej 12 dhe 13 vjeç. Një pjesë e fotografive janë nga profilet e tyre, por disa janë marrë nga komunikimi privat me shokët ose partnerët e tyre.

Profesoresha shton se një pjesë e profileve janë të rrejshme dhe nuk dihet mosha e anëtarëve të grupit.

Ndërsa nga Byroja për Siguri Publike (BSP) menjëherë kanë filluar hetimin për motivin dhe formimin e grupit të “Dhomës Publike” në rrjetin social “Telegram” në të cilën nxënësit e shkollave të mesme shpërndajnë dhe komentojnë fotografi eksplicite, njoftoi nëpërmes profilit të saj në Facebook, zv. ministrja e MPB-së, Sllavjanka Petrovska.

“Për të gjitha detajet opinioni do të jetë i informuar, ndërsa ndaj atyre që kanë thyer ligjin do tu caktohen parashtresat e duhura”, shkruan Petrovska.

LEXO: 

Grup për pornografi mes nxënëse të shkollave të mesme në RMV!

Redaksia Flaka
nga Redaksia Flaka 26 Janar, 2020 11:18

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.