Përgjegjsja për arsim në gjimnazin “Kiril Pejçinoviq” në Tetovë, Ilvije Ziberi Jashari në një komunikim me kolektivin e shkollës përmes grubit në Viber, u kërkoi atyre që: “Të keni kujdes pak edhe te veshja e vajzave sepse shoh që disa nuk respektojnë rregullat e veshjes (nuk guxojnë të vijnë me midis cullat e gjoksin jashtë)” Çdo njëra që ju kundërshton do ta udhëzoni te unë që më pastaj t’i thirret prindi!”. E kjo porosi e zonjës Ziberi Jashari hasi në jehonë të madhe në media dhe rrjetet socale, shkruan Flaka.
Lajmet në lidhje me zhvillimet në Gjimanzin e Tetovës, u bënë lajmet kryesore në dy ditën e kaluara në portalin Flaka, nga ku dhe u bë e ditur porosia e drejteshës.
Lajmi me titull: Tetovë, porosia e drejtoreshës së shkollës : Vajzat të mos vijnë me midis cullak e gjoksin jashtë! ka thyer rekordet e shikueshmërisë duke arritur që brenda 24 orëve të klikohet 222.659 herë në faqen e portalit. Lajmi morri mbi 600 pëlqime, mbi 100 komente dhe shumë shpërndarje.
Lajmi me titull: Si po komentohet thirrja e drejtoreshës së Gjimnazit në Tetovë? po ashtu kaloi kufijtë e shikueshmërisë së lajmeve të zakonshme në Flaka. Janë 198.342 klikime në portal, gati 600 pëlqime, dhjetëra dhe qindra komente e shpërdarje të lajmit në rrjetet sociale, që shoqërua lajmin e redakësisë Flaka.
Të hënën, ishte OJQ “Lulëkuqja”, nga Tetova, që denoncoi porosinë e drejtoreshës. Nga shoqata u shprehën që: “Me shqetësimin se trupi i vajzave të mitura vazhdon të seksualizohet dhe objektivizohet ende në shkollat tona. Ky urdhër është ende më i pakuptimtë për vetë faktin që vajzat dhe djemtë në këtë gjimnaz paguajnë me para nga xhepi i tyre uniformat që ua mbulojnë plotësisht veshjen”.
Sipas „Mollëkuqja” tendenca për të shtuar kontrollin mbi veshjen e nxënësve konsiderohet si tendencë për të pasur kontroll absolut mbi trupin e tyre dhe është diskriminuese sepse ju referohet vetëm vajzave. Kjo porosi i bën vajzat të besojnë se diçka nuk është në rregull me trupin e tyre dhe i njëjti mund të jetë “shkak” ngacmimi apo provokimi. Mesazhe dhe urdhëra të tilla ushqejnë kulturën që akuzon viktimën dhe jo dhunuesin. Në vend që të edukohen djemtë, kufizohen vajzat.
“Mollëkuqja” beson se praktika të tilla janë shqetësuese, duke pasur parasysh edhe mungesën e edukimit seksual, që kundërshtohet nga po të njëjtët profesorë që mendojnë se fëmijët, respektivisht nxënësit, duhet t’i mbajnë të lidhur me zinxhirë me rregulla të vjetra dhe të dala mode.
Edhe në rastin konkret por edhe në përgjithësi, kodet e veshjeve targetojnë vetëm vajzat. Në mesazhin e publikuar më lartë, nga përgjegjësja për arsim në Gjimnazin “Kiril Pejçinoviq” thuhet qartë se për veshjen e tyre, “kujdes” duhet të kenë vetëm vajzat dhe kjo përveç që është seksiste, është edhe diskriminuese.
Për këtë, „Mollëkuqja” kërkon që profesoresha Ilvije Ziberi Jashari të tërhiqet nga kjo deklaratë dhe nga pozita që ka.
“Ne kërkojmë që drejtoria e shkollës të marrë hapat e nevojshme për eleminimin e dukurive seksiste në ambientet e kësaj shkolle dhe si dhe shkarkimin e profesoreshës që promovon gjuhën seksiste.
Apelojmë te nxënësit, prindët dhe të gjithë ata që preken nga dukuri seksiste të drejtohen te “Mollëkuqja” për udhëzim dhe ndihmë”, përfundon kumtesa nga Mollëkuqja.
Por, përskaj reagimit nga kjo shoqatë, porosia e drejtoreshës hasi në përkrahjen e publikit të gjë, të paktën në qindra komente të bëra në lajmet e publikuara nga Agjencia e lajmeve Flaka në Fejsbuk.
Lexo, po ashtu:
