Prej sot, mësimdhënësit me pagë më të lartë për 15, policët për 5%

Redaksia
Publikuar nga Redaksia 1 Shtator, 2022 12:40

Prej sot, mësimdhënësit me pagë më të lartë për 15, policët për 5%

Prej sot, mësimdhënësit do të kenë pagë më të lartë për 15, ndërsa pjesëtarët e policët për 5%. Dje, Ministri i Arsimit dhe Shkencës, Jeton Shaqiri ka njoftuar se një ditë para fillimit të procesit mësimorë është arritur marrëveshje me SASHK-un për çështjen e rrogave dhe se procesi mësimorë në vend do të fillojë pa vonesa,transmeton Flaka

Për këtë marrëveshje Shaqiri shprehet shumë i lumtur dhe njofton se paga e shtatorit për të punësuarit në arsimin fillor dhe të mesëm është më e lartë për 15 përqind.

“Kjo do të thotë se rreth 32,500 punonjës, nga të cilët 25,000 janë mësues, marrin motivim shtesë për punë dhe kontribut personal në avancimin e cilësinë e sistemit arsimor kombëtar”, ka shkruar fillimisht Shaqiri

Shton se me rritjet e mëparshme prej 21% dhe në kushtet e krizës ekonomike dhe energjetike, të punësuarit në arsim marrin historikisht mbështetjen më të madhe nga MASH.

“Së bashku me Qeverinë dëshmuam edhe një herë se kujdesemi për vlerësimin dinjitoz të punës, dëshirës dhe përkushtimit të secilit në vend”, ka shkruar Shaqiri.

Sot, ministri i Punëve të Jashtme Oliver Spasovski në profilin e tij në Fejsbuk njoftoi që në drejtim të motivimit të vazhdueshëm të punonjësve në MPB, pagat i kemi rritur 5 për qind duke filluar nga 1 shtatori i vitit 2022, nga Buxheti i MPB-së, që paraqet rritjen e tretë të pagave të punonjësve në MPB.

Në vitin 2018, shpjegon ai, u arrit rritje pagash për rreth pesë mijë nëpunës të uniformuar policor, në këtë rast duke mundësuar ndarjen e pozicioneve të punës polic i ri, polic dhe polic i lartë nga punonjësit e tjerë.

“Me këtë, për herë të parë janë shtuar me 10 pikë për nëpunësit policorë dhe 20 pikë për pozicionin e punës “polic”, nga kategoritë E5, E4, E3 dhe ZH5, ZH4 dhe ZH3, për të cilin në Buxhetin e Ministrisë së Punëve të Brendshme për vitin 2019 janë kërkuar dhe miratuar mjete për pagesën e rritjes së pagave në vlerë prej 80.000.000 denarë në vit për 4.821 punëtorë të uniformuar. Është veçanërisht e rëndësishme për këtë udhëheqësi të MPB-së që një rritje e tillë për komponentin bazë të punonjësit të policisë realizohet për herë të parë që nga viti 1991” ka shkruar Spasovski.

Rritja e dytë pasoi në shtator të vitit 2019, gjatë të cilës paga e punëtorëve në MPB u rrit për 5%, dhe për të realizuar këtë rritje, vlera e pikës u rrit nga 26,09 denarë në 27,72 denarë.

Gjithashtu, me rritje pagash prej 30 për qind, janë të mbuluar 100 persona nga Departamenti i Informatikës dhe Telekomunikacionit, dhe kjo konsiderohet nga data 01.01.2020.

“Ministria e Punëve të Brendshme vendosi në këtë hap pikërisht për të motivuar këta personel që të mos largohen nga ministria dhe të kontribuojnë në përputhje me pozitat për të cilat janë punësuar”, publikoi ministri.

Ndër të tjera, në vitin 2020 dhe 2021, falë veprimtarisë ekonomike dhe kursimeve të realizuara në Buxhet, janë siguruar mjete për pagesën vullnetare të pagave të bonusit për mbi 150 orë punë jashtë orarit në vit gjatë viteve 2017 dhe 2018, në një shumë totale prej përafërsisht 97.995.636 denarë, përkatësisht: bonus paga për vitin 2017 për 1.819 punëtorë në vlerë të përgjithshme prej 46.339.025 denarë dhe bonus paga për vitin 2018 për 1.916 punëtorë në shumë prej 51.680.268 denarë.

Edhe në vitin 2021 është bërë pagesa e bonusit të pagës për punëtorët e MPB-së për orët jashtë orarit të punës në vitin 2020, ku janë paguar 4.502 punëtorë, në vlerë të përgjithshme prej 135.969.404 denarë. Përveç kësaj, për pjesëtarët e Departamentit të Operacioneve Speciale të Policisë ka filluar pagesa e shpenzimeve të udhëtimit për ata që jetojnë jashtë qytetit të Shkupit, si dhe pagesa e mëditjeve për udhëtime zyrtare.

Me Marrëveshjen e fundit Kolektive, përkujton ministri Spasovski,  janë marrë vendime që nënkuptojnë rritje financiare për punonjësit e MPB-së.

“Pesë për qind pagesë për kujdestari në shtëpi për nëpunësit policorë pa uniformë, pagesë të shpërblimit jubilar për 10 vjet punë të pandërprerë në MPB, pagesë të ndihmës prej 100 euro në kundërvlerë në denarë për fëmijë të porsalindur, për pjesëtaret e MPB-së, pagesë të kompensimit për mentor për program mentorimi të zbatuar me sukses, pagesë për kompensim për ushqim për punën e natës, ndërsa në vitin 2021 janë paguar 259 punëtorë në vlerë të përgjithshme prej 6.149.195 denarë”, ka shkruar Spasovski.

Në mënyrë shtesë, në përputhje me Ligjin e ri për pagën minimale, për të gjithë punëtorët e Ministrisë së Punëve të Brendshme, të cilëve u paguhet paga në bazë të Ligjit për Punë të Brendshme dhe Marrëveshjes Kolektive, paga bruto minimale është 26.800 denarë. Kjo do të thotë se paga për punonjësit e MPB-së për pozitën më të ulët me statusin e personit të autorizuar dhe nëpunës policorë, në përputhje me sistematizimin e MPB-së, është mbi pagën minimale të përcaktuar.

Nga nëpunësit policorë që u sollën në kushte nën standarde, pa pajisjet dhe uniformat e nevojshme, krijuam një forcë policore të motivuar që punon në interes të qytetarëve dhe shtetit.

Ai paralajmëron se vazhdojmë në periudhën në vijim me energji edhe më të madhe të vendosim standarde evropiane në polici në mënyrë që të mund të pretendojmë rezultate edhe më të mira në punën tonë. Flaka

Redaksia
Publikuar nga Redaksia 1 Shtator, 2022 12:40

Marketing Politik - Çmimore

Presidenciale | Parlamentare