Probleme në antikorrupsion, Trajan jep dorëheqje, arsyetimi shkaqe personale
Sekretarja e përgjithshme e Komisionit Shtetëror për Parandalimin e Korrupsionit, Rozeta Trajan, ka dhënë dorëheqjen. Kërkesa e saj u votua me gjashtë vota pro nga anëtarët e KSHPK-së. Vetëm Goran Tërpenoski votoi kundër. Trajan arsyeton dorëheqjen me arsye personale. Ajo ka punuar në komisionin antikorrupsion që nga viti 2016.
“Dorëheqja ime nga ky funksion në radhë të parë ëhstë për arsye personale. Ju dëshiroj punë të mbarë në të ardhmen të gjithë anëtarëve të tjerë e I falenderoj për besimin që kishin në punën time që nga dita e parë e deri sot.”, tha Rozeta Trajan, ish sekretare e përgjithshme e KSHPK-së.
Ivanovska: Kishim mosmarrëveshje, mirë që dha dorëheqje
Por duket se shkak i dorëheqjes, janë mardhëniet e acaruara mes saj dhe kreut të antikorrupsionit Biljana Ivanovska. Ivanovska kishte filluar procedurat për shkarkimin e Trajanit, e kjo e fundit vendosi të dorëhiqej.
“Më duhet të potencoj se në fund e humba besimin në punën e saj dhe thjehst bëri mirë që në të njejtën kohë u përputh edhe dorëheqja që ajo e dorëzoi dhe kështu nuk do të kemi probleme në të ardhmen.”, Biljana Ivanovska, kryetare e KSHPK-së.
Deri në zgjedhjen e një sekretari të ri të përgjithshëm të Komisionit Antikorrupsion, funksioni do të kryhet nga Irena Popovska./Tvm2
